ذکر اللہ اور اطمینان قلب |
ہم نوٹ : |
|
اور اہلِ تقویٰ کی صحبت اختیار نہیں کریں گے ہمت نہیں ہوگی۔ یہ نسخہ اللہ تعالیٰ نے بتایا ہے عبادت کرنا آسان ہے لیکن تقویٰ اختیار کرنا اور گناہ چھوڑنا جب تک تقویٰ والوں کے ساتھ نہ رہوگے، گناہ چھوڑنے کی ہمت نہیں پاؤگے۔ کُوۡنُوۡا مَعَ الصّٰدِقِیۡنَ 20؎ کی تفسیر علامہ آلوسی رحمۃ اللہ علیہ نے تفسیر روح المعانی میں فرمائی ہے کہ اللہ والوں کے ساتھ رہو تاکہ تقویٰ والے ہوجاؤ، عبادت سے ولی اللہ نہیں ہوسکتے جب تک تقویٰ نہ ہو، اِنۡ اَوۡلِیَآؤُہٗۤ اِلَّا الۡمُتَّقُوۡنَ 21؎ جب تک متقی نہیں بنو گے ہم تم کو ولی نہیں بنائیں گے۔ لاکھوں حج کرلو، لیکن جب تک گناہ نہیں چھوڑوگے ہمارے ولی نہیں ہوسکتے، ہماری ولایت حج، عمرہ اور تسبیحات سے نہیں، تقویٰ سے ملے گی اور تقویٰ ملے گا اہلِ تقویٰ کی صحبت سے۔ اہل اللہ کے پاس کتنا رہے؟ لیکن کتنارہےاللہ والوں کےپاس؟روح المعانی میں لکھا ہے کُوۡنُوۡا مَعَ الصّٰدِقِیۡنَ کی تفسیر میں خَالِطُوْھُمْ لِتَکُوْنُوْا مِثْلُھُمْ اتنے دن رہو اللہ والوں کے پاس کہ تم بھی ان ہی جیسے ہوجاؤ۔22؎ دیکھیے نمک کی کان میں ایک گدھا گرگیا، کچھ دن بعد وہ نمک بن گیا، صحبت کا اثر ہوا یا نہیں؟ تو اگر ہم نالائق بھی ہیں، انسانیت کے لحاظ سے پست ہیں لیکن ان شاء اللہ تعالیٰ تفسیر روح المعانی کی روشنی میں عرض کرتا ہوں کہ کسی اللہ والے کے پاس کچھ دن رہ لوگے تو ہمارا نالائق نفس لائق ہی نہیں ولی اللہ بھی ہوجائے گا۔ کُوۡنُوۡا مَعَ الصّٰدِقِیۡنَ کا حکم اللہ تعالیٰ نے دیا، لہٰذا بغیر معیت صادقین کے کوئی ولی اللہ نہیں ہوسکتا۔ ایک شرط مگر ایک شرط ہے۔ گدھا نمک کب بنتا ہے؟ جب تک سانس لیتا رہتا ہے اس وقت تک نمک نہیں بنتا۔ گدھے کا گدھا ہی رہتا ہے، جب مرجاتا ہے تب بنتا ہے۔ ایسے ہی نفس کو جب مٹادوگے تب ولی اللہ بنوگے، جب تک ہم نفس کو زندہ رکھیں گے نالائق ہی رہیں گے۔ _____________________________________________ 20 ؎التوبۃ:119 21 ؎الانفال:34 22 ؎روح المعانی:56/11،التوبۃ (119)،داراحیاء التراث، بیروت