ماہنامہ انوار مدینہ لاہور اپریل 2007 |
اكستان |
 |
اصرار فرمایا کہ) اِنہیں وہاں بھیج کر ہی چھوڑا۔ جب لوگ اِدھر اُدھر ہوگئے تو حضرت معاویہ نے خطاب فرمایا اور فرمایا کہ جو کوئی اس کام میں (کار ِحکومت میں) بات کرنی چاہتا ہے تو وہ ہمارے سامنے اپنا سینگ نکالے (سر اٹھائے) یقیناً ہم اُس سے اور اُس کے باپ سے زیادہ حق دار ہیں، اس پر حبیب بن مسلمہ نے پوچھا کہ پھر آپ نے انہیں اس کا جواب کیوں نہیں دیا؟ فرمانے لگے کہ میں نے اپنی کمر کا بند کھولا اور اِرادہ کیا کہ اِن سے یہ کہوں کہ اس کام کا زیادہ حق دار تم سے وہ ہے کہ جس نے تم سے اور تمہارے والد سے اسلام کے لیے جہاد کیا تھا (لیکن بہن سے باتوں کے بعد) مجھے اندیشہ ہوا کہ کہیں میری زبان سے ایسی بات نہ نکل جائے جو جمع شدہ مسلمانوں میں تفریق پیدا کردے اور خونریزی ہو اور جو میں کہوں وہ بات تو رہ جائے اور دوسری باتیں میری طرف منسوب ہوجائیں۔ اس پر میں نے یاد کیا کہ اللہ تعالیٰ نے صبروایثار کرنے والوں کے ساتھ جو جنتوں میں وعدہ فرمارکھا ہے۔ حضرت حبیب نے فرمایا کہ آپ بچ گئے اور (ہرطرح) محفوظ رہے''۔ (بخاری شریف باب غزوة الخندق) جب انہیں مشیر بھی نہ بنایا گیا اور بہن اُم المؤمنین سیدہ حفصہ رضی اللہ عنہا کی رائے بھی ایسی ہی دیکھی کہ یکسو رہنا ہی بہتر ہے۔ تو حضرت ابن عمر رضی اللہ عنہما ہمیشہ کے لیے سیاست و امارت اور مشاورت امیر وغیرہ سے دستبردار ہوگئے، ان کے بعد کے حالات ِ زندگی یہی بتلاتے ہیں۔ ادھر عام بنو اُمیہ کا یہ رجحان بڑھتا ہی گیا، اور بعض اوقات تو اِس نے بہت بدنما شکل بھی اختیار کرلی کیونکہ حکام بنو اُمیہ نے سیدنا حضرت معاویہ کے بعد یزید کے لیے جانشینی کی فضا ہموار کرنی شروع کردی تھی یہ اہل مدینہ کو پسند نہ تھا نہ وہ اِس کارروائی کو پسند کرتے تھے نہ یزید کو چاہتے تھے، مثلاً حدیث شریف میں آتا ہے : کَانَ مَرْوَانُ عَلَی الْحِجَازِ اِسْتَعْمَلَہ مُعٰوِیَةُ فَخَطَبَ فَجَعَلَ یَذْکُرُ یَزِیْدَبْنَ مُعٰوِیَةَ لِکَیْ یُبَایِعَ لَہ بَعْدَ اَبِیْہِ فَقَالَ لَہ عَبْدُ الرَّحْمٰنِ بْنُ اَبِیْ بَکْرٍ شَیْئًا فَقَالَ خُذُوْہُ فَدَخَلَ بَیْتَ عَائِشَةَ فَلَمْ یَقْدِرُوْا (بخاری شریف ص٧١٥ ج٢ تفسیر سورة الاحقاف)