ماہنامہ انوار مدینہ لاہور فروری 2003 |
اكستان |
 |
تقریظ وتنقید نام کتاب : شرح شمائل ترمذی (ج نمبر١) تصنیف : مولاناعبد القیوم حقانی صفحات : ٦٤٠ سائز : ٨/٢٠٢٦ نا شر : القاسم اکیڈیمی جامعہ ابوہریرہ خالق آباد وشہرہ قیمت : درج نہیں۔ حضور اکرم ۖ کی عام زندگی کے معمولات کیا تھے ؟ آپ کھاتے کیسے تھے، پیتے کیسے تھے؟آپ کا اُٹھنا بیٹھنا ،چلنا پھرنا،سونا جاگناکیسے ہوتا تھا ؟ آپ کاسراپائے اقدس کیسا تھا ؟ آپ کیسا لباس زیب تن فرماتے تھے ؟ آپ کو کون سی چیزیں مرغوب تھیں؟ ان سب باتوں کو جاننے کے لیے امام ترمذی علیہ الرحمة کی کتاب''شمائل ''ایک بے نظیر کتاب ہے ۔ اللہ تعالیٰ نے اس کتاب کو قبولیت سے نوازاہے اسی لیے ہر زمانہ میں اس کی شروحات لکھی جاتی رہی ہیں ،اُردو میں شیخ الحدیث حضرت مولانا محمد زکریا صاحب کی ''خصائل نبوی '' معروف ہے لیکن یہ مختصر شرح ہے، حال ہی میںمعروف عالم دین اور مشہور قلم کار مولانا عبدالقیوم حقانی صاحب نے ''شمائل ترمذی'' کی ایک مبسوط شرح تحریر فرمائی ہے۔ اس شرح کی پہلی جلد اس وقت ہمارے پیشِ نظرہے، اس شرح میںمولانا کا اندازہ مدرسانہ ہے، آپ پہلے متن تحریر فرماکر اس کا ترجمہ کرتے ہیں پھر راویانِ حدیث کاتعارف کراتے ہیںپھرلغات کا حل پیش کرتے ہیں ،کہیں کسی مسئلہ میں ائمہ کا اختلاف ہو تو اسے ذکر کرکے احناف کا موقف واضح کرتے ہیں ۔کہیں اگر شبہہ پیش آئے تواس کا جواب تحریر کرتے ہیں ،روایات میں اگر کہیں تعارض نظر آئے تو تطبیق کی صورت بتلاتے ہیں ، اندازِ بیان سہل اور دلنشیں ہے ، علماء و عوام سب کے لیے یہ ایک مفید کتاب ہے۔ ٭ نام کتاب : بُستان العارفین