ماہنامہ انوار مدینہ لاہورستمبر 2002 |
اكستان |
|
نام کتاب : ماہِ صفر کے احکام اور جاہلانہ خیالات تصنیف : مولانا مفتی محمد رضوان صاحب صفحات : ٨٠ ناشر : ادارہ غفران چاہ سلطان راولپنڈی قیمت : /٢٠ پیشِ نظر کتاب ماہ ِصفر اور اس سے متعلق پائی جانے والی خوبیوں کے تذکرہ پرمشتمل ہے جس میں زمانۂ جاہلیت او ر موجودہ لوگوں کے نظریات کو تفصیل کے ساتھ ذکر کیا گیاہے اور ساتھ ہی موجودہ دور کے بیسیوںتوہمات ،خرافات ،باطل نظریات اور جاہلانہ خیالات پرروشنی ڈالی گئی ہے ۔آخر میں چند ایسی حقیقی چیزوں کے بارہ میں غلط فہمی کا ازالہ کیا گیا ہے جن کا بعض لوگوں نے توہمات سمجھ کر انکار کرنا شروع کر دیا ہے ، ہدیہ صرف ٢٠ روپے ہے قارئین کو اس سے استفادہ کرنا چاہیے۔ ٭ نام کتاب : پانی کا بحران اور اس کاحل تصنیف : مولانا مفتی محمد رضوان صاحب صفحات : ٨٢ ناشر : ادارہ غفران چاہ سلطان راولپنڈی قیمت : /١٠ اس رسالہ میں پانی کی نعمت اور بارش نازل ہونے کے قدرتی نظام کو قرآنی تفصیلات کی روشنی میں بیان کیا گیا ہے نیز سمندروں اور دریائوں کے پانی میں پائی جانے والی قدرت کی نشانیوں کو ایمان افروزانداز میں تحریر کیا گیا ہے اور موجودہ دور میں پانی کی کمی ،بارانِ رحمت سے محرومی ،فصل کی قلت ،لوڈشیڈنگ جیسے مصائب اور عذاب ِالہی کے اسباب اور اس کے نتائج و نقصانات کو واضح کیا گیا ہے اور ساتھ ہی اس کا حل کتاب و سنت کی روشنی میں پیش کیا گیا ہے ۔پانی کی نعمت ہر انسان کی بنیادی ضرورت ہے اور اس سے محرومی ہلاکت کا سبب ہے ۔اس حوالہ سے ہر مسلمان کے لیے اس رسالہ کا مطالعہ از حد ضروری ہے ۔اللہ تعالی مفتی صاحب کو جزائے خیر دے کہ انہوں نے اس موضوع پر قلم اُٹھاکر ایک انتہائی ضرورت کی طرف توجہ دلائی ۔ (ن۔ا)