ماہنامہ انوار مدینہ لاہورستمبر 2002 |
اكستان |
|
بلوچ صاحب کو کہ انہوں نے ان قیمتی درُوس کو کیسٹس سے نقل کرکے اردو کا جامہ پہناکر عوام کے سامنے پیش کر دیا۔ پیشِ نظرکتاب ''ذخیرةالجنان '' انہی درُوس کی خشتِ اول ہے۔ اس کتاب میں سورۂ فاتحہ اور پہلے پارے کی تفسیر بیان کی گئی ہے ، اس تفسیر میں حضرت شیخ کا انداز عالمانہ ہونے کے ساتھ ساتھ انتہائی آسان ہے جسے ہر پڑھا لکھا اور معمولی استعداد والا شخص سمجھ سکتا ہے۔ اللہ تعالی حضرت شیخ کی عمر دراز فرمائے اور آپ کے متعلقین کو توفیق دے کہ وہ حضرت کے افادات سے عوام الناس کو بہرہ مند کرتے رہیں۔کتاب معنوی خوبیوں کے ساتھ ساتھ ظاہری خوبیوں سے بھی آراستہ ہے ، تاہم قیمت زیادہ معلوم ہوتی ہے اگر قیمت میں کمی کی جائے تو اچھا ہے تاکہ معمولی حیثیت رکھنے والے افراد بھی اس سے استفادہ کر سکیں ۔ ٭ نام کتاب : سوانح قائدِ ملت حضرت مولانا مفتی محمود تالیف : مولانا عبدالقیوم حقانی صفحات : ٣٣٦ سائز : ١٦/٢٣٣٦ ناشر : القاسم اکیڈمی جامعہ ابو ھریرہ نوشہرہ قیمت : /١٢٠ مولانا عبدالقیوم حقانی صاحب زید مجدہم ملک کے معروف قلم کار ہیں، آپ کے قلمِ حقیقت رقم سے بہت سی چھوٹی بڑی اور قیمتی کتابیں نکل چکی ہیں۔ زیر تبصرہ کتاب ''سوانح قائدِ ملت '' آپ کی تازہ ترین تصنیف ہے۔ اس میں آپ نے قائد ملت حضرت مولانا مفتی محمود صاحب رحمة اللہ علیہ کے تفصیلی حالات ذکر کئے ہیں۔ جن میں آپ کا خاندانی پس منظر، آپ کی تعلیم و تربیت ،آپ کے اخلاق واوصاف ،آپ کی متنوع الاقسام دینی و مذہبی ملکی و ملی سیاسی و نظریاتی خدما ت شامل ہیں، انداز بیان سہل اور دل نشیں ہے۔ ایک مقام پرایسے محسوس ہوتا ہے کہ حوالہ غلط درج ہو گیا ہے جس کی تصحیح ضروری ہے چنانچہ صفحہ ٢٦١ پر ایک عنوان ہے ''تصویر کو کبھی درست اور صحیح قرار نہیں دیا '' اس عنوان کے تحت مفتی زر ولی صاحب کا بیان درج کیا گیا ہے اور حوالہ دیا گیا ہے قومی ڈائجسٹ صفحہ ٢٣٤ کا ،راقم الحروف نے قومی ڈائجسٹ میں یہ حوالہ چیک کیا تو اس میں نہیں ملا ،اس سے معلوم ہوتاہے کہ یہ حوالہ قومی ڈائجسٹ کے بجائے کسی دوسری کتاب کا ہے ،حوالہ دینے میں احتیاط ضروری ہے۔ مجموعی طور پر یہ کتاب نہایت عمدہ کاوش ہے اور حسنِ معنوی کے ساتھ حسنِ ظاہری سے بھی آراستہ ہے ،قیمت بھی انتہائی مناسب ہے۔