ماہنامہ انوار مدینہ لاہورستمبر 2002 |
اكستان |
 |
تقریظ وتنقید نام کتاب : قبر کی زندگی تصنیف : حضرت مولانا ابو احمد نور محمد تونسوی مدظلہ صفحات : ٦٤٨ سائز : ١٦/٢٣٣٦ ناشر : انجمن خدام الاسلام باغبانپورہ لاہور قیمت : / ٢٤٠ یہ دور دورِپر فتن ہے ا س دور میں نئے نئے فتنے جنم لے رہے ہیں جان کے فتنے ،مال کے فتنے، اعمال کے فتنے، ایمان کے فتنے الہی خیر ہو کہ فتنۂ آخرزماں آیا رہے ایمان ودیں باقی کہ وقتِ امتحان آیا انہی فتنوں میں سے ایک فتنہ اُمت مسلمہ کے طے شدہ اور اجماعی مسائل کو تختۂ مشق بنانے کا فتنہ ہے ۔چنانچہ آج کل عام طور پر دیکھنے میں آ رہا ہے کہ جو مسائل جمہور علماء اور ائمہ مجتہدین کے یہاں طے شدہ اور اجماعی ہیں اُن میںتحقیق کے نام سے تشکیک پید ا کی جارہی ہے تاکہ عوام الناس کے قلوب و اذہان سے مسائل اجماعیہ کی اہمیت ختم ہو جائے اور وہ اپنے من مانے عقائد واعمال کو اپنا سکیں ۔ اجماعی عقائد میں سے ایک حیات النبی ۖ کا عقیدہ ہے جو شروع سے اُمت میں اجماعی چلا آرہا ہے بدقسمتی سے موجودہ دورکے غیر مقلد ین حضرات اور اُن کے ہمنوا جماعت اشاعت التوحید والسنة کے حضرات اس عقیدہ کو متنازع بنانے کی ناکام کوششوں میں لگے ہوئے ہیں اور عوام الناس کے سامنے اسے اس انداز میں پیش کرتے ہیں کہ عقل سرپیٹ کر رہ جاتی ہے ۔ غیر مقلدین حضرات کا تو کیا شکوہ کہ ان کا تو اُوڑھنا بچھونا ہی اختلاف و انتشار بن کر رہ گیاہے اصل شکوہ کار پردازانِ جماعت اشاعت التوحید والسنة سے ہے کہ یہ حضرات ایک طرف تو یہ کہتے ہیں کہ ہماراتعلق علماء اہل سنت