حقوق الوالدین |
ہم نوٹ : |
اس وعظ کا تعارف اللہ تعالیٰ نےاپنے بندوں کے ذمے والدین کے جو حقوق رکھے ہیں اس کی مثال دنیا کے تمام مذاہب دینے سے قاصر ہیں۔ آج اولاد جو اپنے والدین کا ادب نہیں کررہی ہے اس میں والدین کا اپنا قصور بھی ہے۔ انہوں نے اولاد کو اللہ کا ادب نہیں سکھایا، دین کے احکامات نہیں سکھائے، اس کا نتیجہ یہ نکلا کہ وہ والدین کے ادب سے بھی بے بہرہ رہے۔ والدین کا ادب کالج اور یونیورسٹی سے حاصل نہیں ہوتا، یہ صرف اللہ والوں کی خدمت کرنے اور ان کی صحبت اٹھانے سے ملتا ہے۔ شیخ العرب والعجم عارف باللہ مجددِ زمانہ حضرت اقدس مولانا شاہ حکیم محمد اختر صاحب رحمۃ اللہ علیہ نے اپنے وعظ ’’حقوق الوالدین‘‘ میں ارشاد فرمایا ہے کہ جن لوگوں نے اپنے بچوں کو بزرگوں کی خدمت میں بھیجا ان ہی کی اولاد والدین کی فرمانبردار نکلی۔ حضرت اقدس نے اس وعظ میں قرآن و حدیث کے احکامات کی رُو سے والدین کے حقوق نہایت تفصیل سے بیان فرمائے ہیں۔ اس وعظ کا مطالعہ صرف اولاد ہی کو نہیں والدین کو بھی کرنا چاہیے تاکہ اولاد کی پرورش اور تربیت کے حق میں ہونے والی کوتاہیوں کا بروقت ازالہ ہوسکے۔