حقوق الوالدین |
ہم نوٹ : |
|
اللہ تعالیٰ ان سے راضی اور وہ اللہ تعالیٰ سے راضی۔ صحابہ رضی اللہ تعالیٰ عنہم کی نسبت کتنی قوی ہے لیکن ان کو نبی کے ذریعہ خطاب کیا جارہا ہے اور ان کو تعلیم دی جارہی ہے کہ باوجود اتنے قوی النسبت ہونے کے ماں باپ کو نہ بھولنا، ان کے لیے دعا کرتے رہنا۔ آپ لوگ خوب سمجھ لیجیے؟ کہ جن کے ماں باپ زندہ ہیں ان کے لیے بھی دعا کریں اور جن کے زندہ نہیں ہیں ان کے لیے بھی دعا کریں۔ اگر کسی کے پیدا ہوتے ہی اس کے ماں باپ مرگئے، یعنی آج پیدا ہوا اور آج ہی مرگئے تو ان کے لیے بھی یہی دعا کرو، کیوں کہ نو مہینے جو ماں کے پیٹ میں رہے تو ماں باپ دونوں کی پرورش کے زیر اثر رہے، لہٰذا انہوں نے بھی پالا ہے، پرورش کی ہے، ربوبیت میں وہ بھی شامل ہیں۔ لہٰذا ہمیشہ ان کے لیے دعا کرتے رہو۔ لیکن اگر ماں باپ مسلمان نہ ہوں تو ان کے لیے دعائے رحمت اس معنیٰ میں کرسکتے ہیں کہ ان سے دنیوی تکالیف دور ہوجائیں اور ان کو ایمان کی دولت نصیب ہوجائے اور اگر والدین کفر وشرک پر انتقال کرچکے ہوں تو ان کے لیے دعائے رحمت جائز نہیں۔ وَاٰخِرُ دَعْوَانَا اَنِ الْحَمْدُ لِلہِ رَبِّ الْعَالَمِیْنَ دیدہ اشک باریدہ لذت قرب ندامت گریہ وزاری میں ہے قرب کیا جانے جو دیدہ اشک باریدہ نہیں جس کو استغفار کی توفیق حاصل ہوگئی پھر نہیں جائز یہ کہنا کہ وہ بخشیدہ نہیں اختر