ماہنامہ انوار مدینہ لاہور نومبر 2011 |
اكستان |
|
اَخبار الجامعہ ( جامعہ مدنیہ جدید محمد آباد رائیونڈ روڈ لاہور ) ٣٠ ستمبر کو شیخ الحدیث حضرت مولانا سیّد محمود میاں صاحب شیخ نجم الدین صاحب مرحوم کے جنازہ میں شرکت کے لیے جڑانوالہ تشریف لے گئے شیخ صاحبان کی خواہش پر حضرت صاحب نے نماز جنازہ پڑھائی تدفین کے بعد حضرت صاحب تعزیت کے غرض سے کچھ دیر کے لیے شیخ صاحبان کے گھر تشریف لے گئے جہاں آپ نے لواحقین سے تسلی آموز کلمات اِرشاد فرمائے ،رات گیارہ بجے بخیریت گھر واپسی ہوئی۔ یکم اکتوبر کو شیخ الحدیث حضرت مولانا سیّد محمود میاں صاحب جامعہ مدنیہ جدید کے فاضل، شہید مولانا سعید صاحب کی تعزیت کے لیے سید پور ضلع قصور تشریف لے گئے۔ حضرت صاحب نے اُن کے والد اَور اہلِ خانہ سے تعزیت کی اَور تسلی دی بعد اَزاں جامعہ کے فاضل مولانا عقیل صاحب کی خواہش پر اُن کے یہاں رات کا کھانا تناول فرمایا۔ ١٠ اکتوبر کو شیخ الحدیث حضرت مولانا سیّد محمود میاں صاحب بعد نماز مغرب حضرت مولانا عبدالمالک شاہ صاحب کے جنازہ میں شرکت کے لیے گوجر انوالہ تشریف لے گئے ۔ ١٤ اکتوبر بروز جمعہ کو شیخ الحدیث حضرت مولانا سیّد محمود میاں صاحب جامعہ مدنیہ کے فاضل مولانا میاں عبدالرحمن صاحب کی تعزیت کے لیے تلوار والی مسجد نئی اَنار کلی تشریف لے گئے ۔ ١٨اَکتوبر کو حضرت مولانا محمد حسن صاحب مدظلہم دُبئی اَور اِنگلینڈ کے سفر پر روانہ ہوئے، بعداَزاں حج کی سعادت حاصل کرنے کے لیے سعودی عرب تشریف لے جائیں گے۔ ٢٦ اَکتوبر بروز بدھ شیخ الحدیث حضرت مولانا سیّد محمود میاں صاحب جامعہ مدنیہ جدید کے فاضل مولانا اَمجد شاکر صاحب کی دعوت پر اَنوارِ محمدیہ میں تعلیمی اَسباق کے اِفتتاح کے لیے قصور تشریف لے گئے جہاں آپ نے بچوں کو اِفتتاحی سبق پڑھایا اَور اپنے مختصر بیان میں موجودہ حالات میں مدارس کی اہمیت اَور اُن سے بھر پور تعاون کرنے پر زور دیا۔ بیان کے بعد آپ نے مدرسہ کی تعمیر وترقی کے لیے دُعا فرمائی۔