ماہنامہ انوار مدینہ لاہور نومبر 2011 |
اكستان |
 |
حرف آغاز نَحْمَدُہ وَنُصَلِّیْ عَلٰی رَسُوْلِہِ الْکَرِےْمِ اَمَّابَعْدُ ! کچھ عرصہ سے پاکستان کی مغربی سرحدات پر اَمریکی اَور نیٹو اَفواج کے اِجتماع کی خبریں سننے میں آرہی ہیں جبکہ فضائی حدود کی پامالی کا سلسلہ تو برسوں سے جاری ہے جس کا آج تک کوئی منہ توڑ جواب نہیں دیا گیا یہی وجہ ہے کہ نوبت یہاں تک آپہنچی ہے کہ پاکستان کے خلاف براہِ راست فوجی کار روائی کی دھمکیاں دی جا رہی ہیں اَور ہمارے قائدین وسپاہ ِسالار صرف بیانات پر اِکتفاء کیے ہوئے اُن کی طرف دوستی کا ہاتھ بڑھائے نہ معلوم اُن سے کیا توقعات وابستہ کیے ہوئے ہیں۔ جبکہ قرآنِ پاک میں اللہ تعالیٰ نے مسلمانوں سے اُن کے بغض و عداوت کو خوب کھول کر بیان کر دیا ہے یہ کسی بھی درجہ میں مسلمانوں کو پھلتا پھولتا نہیں دیکھ سکتے سیاسی وسائنسی عروج تو بہت بڑی بات ہے مسلمانوں کی اَدنیٰ دَرجہ کی تجارتی و اِقتصادی ترقی اَور خود اِنحصاری بھی اُن کو ایک لمحہ کے لیے گوارہ نہیں ہے۔ ملاحظہ کریں کہ قرآنِ پاک نے اِس معاملہ میں مسلمانوں کو کتنی واضح ہدایات دی ہیں باری تعالیٰ کا اِرشاد ہے :