ماہنامہ انوار مدینہ لاہور جون 2010 |
اكستان |
 |
باسمہ تعالٰی بَعْدَ الْحَمْدِ وَالصَّلٰوةِ وَاِرْسَالِ التَّسْلِیْمَاتِ وَالتَّحِیَّاتِ فقیر ابوالخلیل خان محمد عفی عنہ بگرامی خدمت حضرت مولانا العلام جناب سیّد حامد میاں صاحب مدظلہ العالی عرض گزار ہے کہ اِجلاس ختم ہونے کے بعد جب آپ حضرات سے رُخصت ہوا تو طبیعت بہت خراب تھی۔ اپنی قیام گاہ پر پہنچنے کے بعد بھی نیند نہ آئی۔ ١١ مئی صبح کو نزلہ اَور سردرد کی شدت رہی اِسی حالت میں واپسی کا اِرادہ کر لیا۔ بایں وجہ پریس کانفرنس میں بھی شریک نہ ہو سکا، لاہور سے چلتے وقت بذریعہ فون عزیز مکرم رشید میاں سلمہ اللہ تعالیٰ سے بات ہوئی اَور شکریہ اَدا کیااُنہوںنے عرضِ خدمت کیا ہوگا۔ یہ حقیر حضرت کی معاونت اَور سرپرستی کا بے حد ممنون ہے۔ اَور سوائے جَزَاکُمُ اللّٰہُ تَعَالٰی عَنَّا خَیْرَ الْجَزَائِ کے اِس احسانِ عظیم کے شکریہ سے عہد ہ بر آہونا ناممکن ہے۔ حضرت کی سرپرستی کی بدولت اِجلاس کامیاب اَور جماعت ایک اَور متحد ہوگئی، والحمد للہ علیٰ ذالک۔ دِلوں کی کیفیت یہ اللہ تعالیٰ علیم و خبیر ہیں بہت بہتر جانتے ہیں۔ بہرحال یہ حقیر بہت مسرور ہے کہ مخالفین کے عزائم کو ایک دفعہ پھر ناکامی ہوئی، اللہ تعالیٰ اِس مفاہمت کو مستقل بنادے اَور دین ِحق اِسلام کی خدمت و اِشاعت اَور صیانت کا ذریعہ بنادے اَور ہم سب کی لغزشوں کو معاف فرما کر اپنی رضامندی و خوشنودی سے سرفراز فرمائے، آمین۔ ( جماعتی) اَخراجات کے سلسلہ میں اگر اِطلاع ہوجاوے تو ضرور اَدائیگی ہوگی اِنشاء اللہ تعالیٰ۔ ہم سب حضرت کی عنایتوں اَور شفقتوں کے ہمیشہ اُمید وَار رَہیں گے اللہ تعالیٰ حضرت کو مع جمیع متعلقین کے دیر تک سلامت با کرامت رکھے، آمین۔ سب حضرات کی خدمت میں سلام مسنون ۔ اُن دونوں پرچوں کی فوٹو کاپیاں ضرور اِرسال فرمادیں: ایک مولانا محمد عبید اللہ صاحب اَنور کے دستخط والا، ایک حضرت درخواستی کے اعلان والا۔ والسلام اَز خانقاہ ِ سراجیہ ٧ رجب ١٤٠١ھ