Deobandi Books

حضرت عائشہ رضی اللہ عنہا اور حضرت اسماء رضی اللہ عنہا سے بڑھ کر کوئی عورت سخی نہیں دیکھی لیکن دونوں کی سخاوت میں ایک فرق تھااور وہ یہ کہ حضرت عائشہ رضی اللہ عنہا تھوڑا تھوڑا جمع کرتی رہتی تھیں یہاں تک کہ جب خاصی مقدار میں جمع ہوجاتا تو (ضرورت مندوں ) میں تقسیم فرمادیتی تھیں اور حضرت اسماء رضی اللہ عنہا کا یہ  حال تھا کہ وہ کل کے لیے کچھ رکھتی ہی نہ تھیں۔ (اَدب المفرد) 
حضرت عروہ رضی اللہ عنہ اپنا چشم دید واقعہ بیان فرماتے تھے کہ حضرت عائشہ رضی اللہ عنہا نے ایک روز ستر ہزار کی مالیت (ضرورت مندوں پر ) تقسیم فرمادی اَور اپنا یہ حال تھا کہ تقسیم کرتے وقت اپنے کرتہ میں پیوند لگا رہی تھیں ۔(صفة الصفوة )
حضرت معاویہ رضی للہ عنہ نے ایک طبق میں سچے موتی بھر کر حضرت عائشہ رضی اللہ عنہا کی خدمت میں ہدیة ًبھیجے جن کی قیمت ایک لاکھ لگی۔ اُنہوں نے ہدیہ قبول کر کے اپنے علاوہ آنحضرت  ۖ  کی تمام بیویوں میں تقسیم فرمادیا۔ 
ایک مرتبہ حضرت عائشہ رضی اللہ عنہ کا روزہ تھا اَور اُسی روز اُن کے پاس اُن کے بھانجے حضرت عبداللہ بن زبیر رضی اللہ عنہ نے دو بورے بھر کر ہدیہ بھیجا جو ایک لاکھ اَسی ہزار کی مالیت تھی۔ وہ اُسی وقت تقسیم کرنے بیٹھ گئیں اَور تھوڑی دیر میں تمام کردیا۔ جب شام ہوئی تو ایک درہم (چونی بھر چاندی) بھی پاس نہ تھا۔ افطار کے وقت اپنے باندی سے فرمایا کہ افطاری لاؤ ۔ چنانچہ وہ زیتون کا تیل اور روٹی لے کر آئی۔ وہیں ایک عورت اُم ذرہ موجود تھی (اُس کا بھی روزہ تھا ) اُس نے کہا آج جو آپ نے مال تقسیم کیا ہے اُس میں سے آپ اِتنا بھی نہ کرسکیں کہ ایک درہم کا گوشت ہی منگالیتیں جسے افطاری میں ہم کھالیتے۔ حضرت عائشہ رضی اللہ عنہا نے فرمایا اَب کہنے سے کیا ہوتا ہے اُس و قت تم یاد دلاتیں تو میں اِس کا خیال کر لیتی۔ (صفة الصفوة ) 
ایک روز کا واقعہ ہے جسے وہ خود بیان فرما تی تھیں کہ میرے پاس ایک عورت آئی جس کے ساتھ دو لڑکیاں تھیں۔ اُس نے سوال کیا، اُس وقت میرے پاس ایک کھجور کے سوا کچھ نہ تھا میں نے وہی دے دی۔ اُس نے اُس کھجور کو لے کر دو ٹکڑے کر کے دونوں بچیوں کو ایک ایک ٹکڑا دے دیااور خود نہ کھایا۔ اِس کے بعد وہ چلی گئی اور اُس کے بعد ہی سیّد عالم  ۖ  زنان خانے میں تشریف لے آئے ۔ میں نے آپ کے سامنے واقعہ بیان کیا تو آپ  ۖ نے فرمایا کہ جو شخص اِن لڑکیوں کی پرورش میں ذرا بہت بھی مبتلا کیاگیا اور اُس نے