ماہنامہ انوار مدینہ لاہور جون 2006 |
اكستان |
 |
کا روٹی کپڑا اُن پر واجب ہے جن کے لیے وہ بچہ پیدا کیا گیا ہے یعنی باپ۔ امام رازی نے المولود کی تفسیر والد سے کی ہے وَقَالَ صَاحِبُ الْکَشَّافِ اِنَّ السَّبَبَ فِیْہِ اَنْ یُّعْلَمَ اَنَّ الْوَالِدَاتِ اِنَّمَا وَلَدْنَ الْاَوْلاَدَ لِلْاٰبَآئِ وَلِذَالِکَ یُنْسَبُوْنَ اِلَیْھِمْ لَااِلَی الْاُمَّھَاتِ یعنی مؤلف تفسیر کشاف نے فرمایا ہے کہ باپ کی طرف نسبت کرنے کی وجہ یہ ہے کہ معلوم ہوجاوے یہ بات کہ عورتوں نے اولاد کو اُن کے باپوں کے لیے جنا ہے اور اِسی وجہ سے اولاد اُن کی طرف منسوب ہوتی ہے۔ سادساً یہ کہ اللہ تعالیٰ نے حضرت آدم کی اولاد کو اُن کی پشت میں رکھا نہ حضرت حوا کے پیٹ میں، اِس کے بعد ہر مرد کی پشت میں اُس کی اولاد رکھی یہاں تک کہ وہ پیدا ہو اُس سے اور وہ ذُریت عورتوں کے پیٹ میں نہیں رکھی بلکہ عورتوں کو امانت کی جگہ قرار دیا وقت ڈالنے منی کے اُن کے رحم میں۔ اور مروی ہے کہ بنی آدم کی رُوحوں نے حضرت ابراہیم کی آواز جو حج کرنے کے لیے تھی اُس کا جواب بابون کی پشت سے دیا اور یہ روایت مشہور ہے (یہ قصہ جب ہوا تھا کہ اللہ پاک نے حضرت ابراہیم کو حکم فرمایا تھا کہ اعلان دو لوگ خانہ کعبہ کے حج کے لیے آویں پس جو لوگ پیدا نہ ہوئے تھے اُنہوں نے اِس حکم کو قبول کیا اپنے باپوں کی پشتوں میں اور ظاہر یہ ہے کہ اِس کا قبول کرنا ارواح کو اِسی طرح تھا جیساکہ عالم ارواح میں سب لوگ مسلمان و ولی و فاسق اللہ تعالیٰ کے پروردگار ہونے کا اقرار کرچکے ہیں گو دُنیا میں آکر بعض اُس پر عمل نہیں کرتے۔ اِن تمام امورِ مذکورہ سے یہ امر بخوبی ثابت ہوگیا کہ عموماً خاندان کی نسبت باپ و دادا کی طرف ہوتی ہے شرعاً و عرفاً ،پس جو لوگ سیدوں کی لڑکیوں کی اولاد کو سید کہتے ہیں جبکہ اُن لڑکیوں کے خاوند سید نہ ہوں سخت غلطی پر ہیں اور اِسی وجہ سے مولانا شاہ رفیع الدین صاحب دہلوی قدس سرہ نے فرمایا ہے کہ میں اپنی ذات اور اپنی اولاد کو سید نہیں کہتا حالانکہ ہمارے چھ باپ و دادا سادات کی لڑکیوں سے پیدا ہیں اور علامہ بحر الرائق زین الدین بن نجیم مصری نے اپنے فتاویٰ میں اِس سوال کا کہ شریف عورت کا لڑکا جبکہ باپ شریف نہ ہو شریف شمار ہوگا یا نہیں؟ یہ جواب لکھا ہے کہ اگر اُس کا باپ شریف نہیں ہے تو وہ شریف شمار نہ ہوگا اپنی ماں کے اعتبار سے۔ اور واضح ہو کہ سیادتِ اولاد فاطمہ اور اُن کی نسبت حضرت فاطمہ کی طرف اِس وجہ سے ہے کہ حدیث میں اِس اَمر کی تصریح ہے اور وہ حدیث یہ ہے اِنَّ اَوْلَادَ الْاُمِّ یَنْتَمِؤْنَ اِلٰی عَصَبَتِھِمْ اِلاَّالْحَسَنَ وَالْحُسَیْنَ فَاِنَّھُمَا اَبْنَایَ وَابْنَا ابْنَتِیْ