ماہنامہ انوار مدینہ لاہور جون 2006 |
اكستان |
 |
سلسلہ نمبر٢٣ قسط : ٢ ، آخری ''الحامد ٹرسٹ''نزد جامعہ مدنیہ جدید رائیونڈ روڈ لاہورکی جانب سے شیخ المشائخ محدثِ کبیر حضرت اقدس مولانا سیّد حامد میاں صاحب رحمة اللہ علیہ کے بعض اہم خطوط اور مضامین کو سلسلہ وار شائع کرنے کا اہتمام کیا گیا ہے جو تاحال طبع نہیں ہوسکے جبکہ ان کی نوع بنوع خصوصیات اس بات کی متقاضی ہیں کہ افادۂ عام کی خاطر اِن کو شائع کردیا جائے۔ اسی سلسلہ میں بعض وہ مضامین بھی شائع کیے جائیں گے جو بعض جرا ئد و اخبارات میں مختلف مواقع پر شائع ہو چکے ہیں تاکہ ایک ہی لڑی میں تمام مضامین مرتب و یکجا محفوظ ہو جائیں۔(ادارہ) حضرت رحمة اللہ علیہ کی جانب سے اس استفتاء کے جوابات گزشتہ شمارہ میں شائع ہوچکے ہیں اسی سلسلہ کے کچھ ضمیمے دوسری قسط کے طور پر اِس شمارہ میں شائع کیے جارہے ہیں نیز سائل کی جانب سے حضرت مفتی محمد شفیع صاحب رحمة اللہ علیہ کا اِرسال کردہ جواب بھی شروع میں لگایا جارہا ہے۔ (ادارہ) الجواب امیر یزید مومن تھے اور ازروئے حدیث بخاری شریف مَغْفُوْرُلَّہُمْ میں اخل ہیں اِن کو کافر کہنا اور لعن طعن کرنا ہرگز جائز نہیں۔ کسی مسلمان کو بلا دلیل شرعی کافر کہنے سے کہنے والے پر کفر لوٹتا ہے اِس سے سخت احتیاط کرنی چاہیے۔ ایسے نظریات رکھنے والے امام کے پیچھے بلاشبہ نماز جائز ہے۔فقط واللہ اعلم وعلمہ اتم۔ احقر العباد محمد صابر غفرلہ ' نائب مفتی دارالعلوم کراچی نمبر 1 نانک واڑہ ١٤ محرم ٨٥ ھ الجواب صحیح مفتی محمد شفیع عفی اللہ عنہ ١٥ محرم ٨٥ ھ