ماہنامہ انوار مدینہ لاہور جون 2006 |
اكستان |
 |
درس حدیث حضرت اقدس پیر و مرشدمولانا سید حامد میاںصاحب کے مجلسِ ذکر کے بعد درسِ حدیث کا سلسلہ وار بیان ''خانقائہ حامدیہ چشتیہ'' رائیونڈروڈلاہور کے زیرِانتظام ماہنامہ'' انوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچا یا جاتا ہے۔ اللہ تعالیٰ حضرت اقدس کے اِس فیض کو تا قیا مت جاری و مقبول فرمائے ۔(آمین ) امام ابوحنیفہ کی پسندیدہ قراء ت۔ حضرت سعد میں شان صدیقیت فقہ حنفی کی بنیاد حضرت عمر ، حضرت علی اورحضرت ابن مسعود شیطان کا انسانی شکل اختیار کرنا۔ اپنی نہیں دوسرے کی تعریف ( تخریج و تزئین : مولانا سےّد محمود میاں صاحب ) کیسٹ نمبر ٥٠ سائیڈاے ( ١٩٨٥ ۔٨۔٢) الحمد للّٰہ رب العالمین والصلٰوة والسلام علی خیرخلقہ سیّدنا ومولانا محمد وآلہ واصحابہ اجمعین امابعد ! آقائے نامدار ۖ کے کچھ صحابہ کرام کا ذکر ہوا تھا اُس کے ذیل میں یہ تذکرہ آیا تھا کہ صحابی نے کوفہ کی تعریف کی کہ وہاں فلاں اور فلاں اور فلاں حضرات ہیں۔ تو اُن میں حضرت ابن مسعود رضی اللہ عنہ کا نام خاص طور پر اِس لیے آیا کہ اُن کے شاگردوں نے وہاں اِن سے علم سیکھا اور آگے سکھایا۔ اور کوفہ کے بارے میں یہ تعارف بھی آیا کہ وہاں صحابہ کرام کی بہت بڑی تعداد سکونت پذیر ہوگئی تھی پندرہ سو صحابہ ۔یعنی مدینہ منورہ کے بعد صحابہ کرام کی اتنی بڑی تعداد کسی جگہ یکجا طور پر پائی جارہی ہو ایسے نہیں ہوا۔ اِس میں کوفہ پوری دُنیا میں منفرد ہے۔ عراق ہی کا ایک حصہ ہے کوفہ کے قریب کچھ فاصلہ پر '' قَرْقِیْسِیَہْ '' وہاں چھ سو صحابہ کرام رہتے تھے۔ اِدھر پندرہ سو صحابہ کرام وہ ہیں جنہوں نے وطن بنالیا کوفہ کو باقی جو اور آئے اور تشریف لے گئے اُن کی تعداد اِس کے سوا