ماہنامہ انوار مدینہ لاہور اپریل 2006 |
اكستان |
 |
ثواب کے جس کو وہ دیکھیں گے۔ (٣٧) حضرت عبد اللہ بن یسر رضی اللہ عنہ سے حضور ۖ کا یہ اِرشاد نقل کیا گیا ہے کہ دُعائیں ساری کی ساری رُکی رہتی ہیں، یہاں تک کہ اُس کی ابتداء اللہ کی تعریف اور حضور ۖ پر درود سے نہ ہو۔ اگر اِن دونوں کے بعد دُعا کرے گا تو اُس کی دُعا قبول کی جائے گی۔ ف : حضرت عمر رضی اللہ عنہ فرماتے ہیں مجھے یہ بتایا گیا ہے کہ دُعا آسمان اور زمین کے درمیان معلق رہتی ہے اُوپر نہیں چڑھتی یہاں تک کہ حضور اقدس ۖ پر درود پڑھے۔ (٣٨) حضرت عائشہ رضی اللہ عنہا سے ایک قصہ نقل کیا گیا ہے جس کے اَخیر میں حضور ۖ کا اِرشاد ہے کہ ہلاکت ہے اُس شخص کے لیے جو مجھے قیامت میں نہ دیکھے۔ حضرت عائشہ رضی اللہ عنہا نے عرض کیا کہ وہ کون شخص ہے جو آپ کی زیارت نہ کرے۔ حضور ۖ نے فرمایا'' بخیل''۔ حضرت عائشہ رضی اللہ عنہا نے عرض کیا بخیل کون؟ حضور ۖ نے فرمایا جو میرا نام سُنے اور درود نہ بھیجے۔(فضائل درود شریف ) ف : پیغمبر ۖ کا نام مبارک آنے پر درود شریف نہ پڑھنے پر کتنی سخت محرومی کی وعید ہے۔ (٣٩) حضرت مالک بن حویرث رضی اللہ عنہ سے منقول ہے وہ فرماتے ہیں کہ نبی کریم ۖ ایک مرتبہ منبر پر چڑھے۔ جب پہلے درجہ پر قدم رکھا تو فرمایا آمین، پھر دوسرے درجہ پر قدم رکھا تو فرمایا آمین، پھر تیسرے درجہ پر قدم رکھا تو فرمایا آمین۔ پھر اِرشاد فرمایا کہ میرے پاس جبرئیل علیہ السلام آئے تھے۔ اُنہوں نے کہا اے محمد (ۖ) جو شخص رمضان کو پائے اور اُس کی مغفرت نہ کی جائے، اللہ اُس کو ہلاک کرے، میں نے کہا آمین۔ اور وہ شخص کہ جس نے ماں باپ یا اُن میں سے ایک کا زمانہ پایا ہو پھر بھی جہنم میں داخل ہوگیا ہو (یعنی اُن کی ناراضی کی وجہ سے) اللہ اُس کو ہلاک کرے ،میں نے کہا آمین۔ اور جس کے سامنے آپ کا ذکر مبارک آئے اور وہ درود نہ پڑھے اللہ اُس کو ہلاک کرے ،میں نے کہا آمین۔ (فضائل درود شریف ص ٧٥) ف : حضرت جبرئیل علیہ السلام کی بد دُعا اور سرورکائنات نبی الرحمة ۖ کی آمین کے بعد یہ بد دُعائیں جتنی سخت اور شدید ہوگئی ہیں بس اللہ تعالیٰ ہی اپنی رحمت سے ہمیں اِن بد دُعائوں سے محفوظ فرمائے، آمین۔ (٤٠) زادُ السعید میں بروایت طبرانی رسول اللہ ۖ کا یہ اِرشاد نقل کیا ہے کہ جو شخص مجھ پر درود