ماہنامہ انوار مدینہ لاہور اپریل 2006 |
اكستان |
 |
قسط : ٢ شیخ الاسلام حضرت اقدس مولانا سےّد حسین احمد مدنی رحمة اللہ علیہ کے جانشین، ولی اللّٰہی سلسلہ کے امین، مدنی علوم ومعارف کے وارث ،علم و معرفت کے بحر مواج ،مسند ولایت کے صدر نشین ،سیادت وقیادت کے آفتاب ،امیر الہند ،فدائے ملت حضرت مولانا سےّد اسعد مدنی کی شخصیت وخدمات نظر قارئین کی جارہی ہیں۔ (ادارہ) حضرت مولانا سےّد اسعد صاحب مدنی کی شخصیت وخدمات ( حضرت مولانا مفتی سےّد محمد مظہر صاحب اسعدی ) امیر ہند میں قومی و ملی خدمت کا جذبہ : آپ بحمد اللہ اپنے والد گرامی حضرت شیخ الاسلام کے سچے جانشین تھے اِس لیے ملی اُمور یا مسلمانوں کے مسائل میں کبھی مصلحت کوشی سے کام نہیں لیتے تھے۔ اس خصوصیت کی وجہ سے وہ ملک بھر کی تمام سیاسی پارٹیوں میں عزت و احترام کی نگاہ سے دیکھے جاتے تھے۔ پورے ملک میں حضرت مولانا سید اسعد مدنی رحمة اللہ علیہ کی شخصیت ہی تھی جو فرقہ پرستی کے خلاف ملک کی تمام سیکولر پارٹیوں کو ایک پلیٹ فارم پر جمع کرسکتی تھی۔ حضرت مولانا سید اسعد مدنی رحمة اللہ علیہ کو قدرت نے تعمیری ذہن بخشا تھا۔ اس لیے اُن کو تعمیرات سے بھی خصوصی شغف تھا۔ مدنی ہال کی شاندار عمارت اور مسجد عبد النبی کے اطراف کی خوبصورت عمارتیں اُن کے اس ذوق کا مظہر ہیں۔ جمعیت علمائے ہند فرقہ وارانہ فسادات کے متأثرین کی امداد و آباد کاری کا کام اگرچہ پہلے بھی کرتی رہی ہے لیکن فدائے ملت حضرت سید اسعد مدنی رحمة اللہ علیہ کے دورِ امارت میں جتنے بڑے پیمانے پر یہ کام جاری ہوا اُس کی مثال بھی جمعیت کی تاریخ میں نہیں ملتی۔ امیر ہند کی خدمات ِ جلیلہ کا اجمالی تذکرہ : تقسیم ہند کے ہولناک نتائج سے اُمت ِمسلمہ پر جو قیامت ٹوٹی وہ ہر کس و ناکس پر عیاں ہے۔ تقسیم ہند