ماہنامہ انوار مدینہ لاہور اپریل 2006 |
اكستان |
 |
فرشتہ میری قبر پر مقرر فرمارکھا ہے جس کو ساری مخلوق کی باتیں سننے کی قدرت عطا فرمارکھی ہے پس جو شخص بھی مجھ پر قیامت تک درود بھیجتا رہے گا وہ فرشتہ مجھ کو اُس کا اور اُس کے باپ کا نام لے کر درود پہنچاتا ہے کہ فلاں شخص جو فلاں کا بیٹا ہے اُس نے آپ پر درود بھیجا ہے۔ (٣١) ایک روایت میں ہے کہ تیری اُمت میں سے جو شخص ایک دفعہ درود بھیجے گا میں اُس پر دس دفعہ درود بھیجوں گا اور جو مجھ پر ایک دفعہ سلام بھیجے گا میں اُس پر دس دفعہ سلام بھیجوں گا۔ (٣٢) حضرت ابوہریرہ حضور اقدس ۖ کا اِرشاد نقل کرتے ہیں کہ جو شخص میرے اُوپر میری قبر کے قریب درود بھیجتا ہے میں اُس کو خود سنتا ہوں اور جو دُور سے مجھ پر درود بھیجتا ہے وہ مجھ کو پہنچادیا جاتا ہے۔ (٣٣) حضرت ابوہریرہ رضی اللہ عنہ سے مروی ہے کہ جب کوئی شخص مجھ پر سلام کرتا ہے تو اللہ جل شانہ' مجھ پر میری رُوح لوٹادیتے ہیں یہاں تک کہ میں اُس کے سلام کا جواب دیتا ہوں۔ (٣٤) حضور اقدس ۖ کا اِرشاد ہے کہ جب تم میںسے کوئی شخص مسجد میں داخل ہوا کرے تو نبی کریم ۖ پر سلام بھیجا کرے یعنی بِسْمِ اللّٰہِ وَالسَّلَامُ عَلٰی رَسُوْلِ اللّٰہِ پھر یوں کہا کرے اَللّٰھُمَّ افْتَحْ لِیْ اَبْوَابَ رَحْمَتِکَ ''اے اللہ میرے لیے اپنی رحمت کے دروازے کھول دے اور جب مسجد سے نکلا کرے تب بھی نبی کریم ۖ پر سلام بھیجا کرے اور یوں کہا کرے اَللّٰھُمَّ افْتَحْ لِیْ اَبْوَابَ فَضْلِکَ ''اے اللہ میرے لیے اپنے فضل (یعنی روزی) کے دروازے کھول دے۔ (٣٥) حضرت علی کرم اللہ وجہہ سے حضور اقدس ۖ کا یہ اِرشاد نقل کیا گیا ہے کہ بخیل ہے وہ شخص جس کے سامنے میرا ذکر کیا جاوے اور وہ مجھ پر درود نہ بھیجے۔ (٣٦) حضرت ابوہریرہ رضی اللہ عنہ حضور اقدس ۖ کا اِرشاد نقل کرتے ہیں جو قوم کسی مجلس میں بیٹھے اور اُس مجلس میں اللہ کا ذکر اور اُس کے نبی پر درود نہ ہو تو یہ مجلس اُن پر قیامت کے دن ایک وبال ہوگی، پھر اللہ کو اختیار ہے کہ اُن کو معاف کردے یا عذاب دے۔ ف : ایک دوسری حدیث میںحضرت ابوسعید خدری رضی اللہ عنہ سے روایت ہے جس میں حضور اقدس ۖ کا اِرشاد نقل کیا گیا ہے کہ جو لوگ کسی مجلس میں بیٹھیں اور وہ حضور اقدس ۖ پر درود سے پہلے مجلس برخاست کریں تو اُن کو حسرت ہوگی، چاہے وہ جنت ہی میں (اپنے اعمال کی وجہ سے) داخل ہوجائیں بوجہ اُس