ماہنامہ انوار مدینہ لاہور اپریل 2006 |
اكستان |
 |
تو رسول اللہ ۖ ایک پرچہ سرانگشت کی برابر نکال کر میزان میں رکھ دیں گے جس سے نیکیوں کا پلہ وزنی ہوجائے گا وہ مؤمن کہے گا میرے ماں باپ آپ پر قربان ہوجائیں، آپ کون ہیں؟ آپ کی صورت و سیرت کیسی اچھی ہے۔ آپ ۖ فرمائیں گے میں تیرا نبی ہوں اور یہ درود ہے جو تونے مجھ پر پڑھا تھا، تیری حاجت کے وقت میں نے اِس کو ادا کردیا۔(فضائل درود شریف ص ٢٩) (٢٤) حضرت علی رضی اللہ عنہ کی روایت سے حضور اقدس ۖ کا اِرشاد نقل کیا ہے کہ مجھ پر تمہارا درود بھیجنا تمہاری دُعائوں کو محفوظ کرنے والا ہے، تمہارے رب کی رضا کا سبب ہے اور تمہارے اعمال کی زکوٰة ہے (یعنی اُن کو بڑھانے والا اور پاک کرنے والا ہے)۔ (٢٥) حضرت ابوہریرہ رضی اللہ عنہ حضور اقدس ۖ کا اِرشاد نقل کرتے ہیں کہ مجھ پر درود پڑھنا پل صراط پر گزرنے کے وقت نور ہے اور جو شخص جمعہ کے دن ٨٠ دفعہ مجھ پر درود بھیجے اُس کے ٨٠ سال کے گناہ معاف کردیے جائیں گے۔ (فضائل درود شریف ص ٢٩) (٢٦) حضرت علی رضی اللہ عنہ سے حضو راقدس ۖ کا یہ اِرشادنقل کیا گیا ہے کہ جو شخص جمعہ کے دن سو مرتبہ درود شریف پڑھے۔ اس کے ساتھ قیامت کے دن ایک ایسی روشنی آئے گی کہ اگر اُس روشنی کو ساری مخلوق پر تقسیم کیا جائے تو سب کو کافی ہوجائے۔(فضائل درود شریف ص ٢٩) (٢٧) حضرت عمر رضی اللہ عنہ سے حضور ۖ کا یہ اِرشاد نقل کیا گیا ہے کہ میرے اُوپر روشن رات (یعنی جمعہ کی رات) اور روشن دن (یعنی جمعہ کے دن) میں کثرت سے درود بھیجا کرو اِس لیے کہ تمہارا درود مجھ پر پیش ہوتا ہے تو میں تمہارے لیے دُعا اور استغفار کرتا ہوں۔ (٢٨) حضور اقدس ۖ کا اِرشاد ہے کہ جس کے سامنے میرا تذکرہ آئے اُس کو چاہیے کہ مجھ پر درود بھیجے اور جو مجھ پر ایک دفعہ درود بھیجے گا اللہ جل شانہ' اُس پر دس دفعہ درود بھیجے گا اور اُس کی دس خطائیں معاف کرے گا اور اُس کے دس درجے بلند کرے گا۔ (٢٩) ابن مسعود رضی اللہ عنہ حضور اقدس ۖ کا اِرشاد نقل کرتے ہیں کہ اللہ جل شانہ' کے بہت سے فرشتے ایسے ہیں جو(زمین میں) پھرتے رہتے ہیں اور میری اُمت کی طرف سے مجھے سلام پہنچاتے ہیں۔ (٣٠) حضرت عمار بن یاسر رضی اللہ عنہ نے حضور ۖ کا اِرشاد نقل کیا ہے کہ اللہ جل شانہ' نے ایک