ماہنامہ انوار مدینہ لاہور مارچ 2006 |
اكستان |
 |
درس حدیث حضرت اقدس پیر و مرشدمولانا سید حامد میاںصاحب کے مجلس ذکر کے بعد درسِ حدیث کا سلسلہ وار بیان ''خانقائہ حامدیہ چشتیہ'' رائیونڈروڈلاہور کے زیرِانتظام ماہنامہ'' انوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچا یا جاتا ہے۔ اللہ تعالیٰ حضرت اقدس کے اِس فیض کو تا قیا مت جاری و مقبول فرمائے ۔(آمین ) کوفہ اہل ِعلم کا مرکز ۔ اچھے ہم نشین کی طلب ( تخریج و تزئین : مولانا سےّد محمود میاں صاحب ) کیسٹ نمبر٤٩ سائیڈ اے ( ١٩٨٥ ۔ ٧۔١٢ ) الحمد للّٰہ رب العالمین والصلٰوة والسلام علی خیرخلقہ سیّدنا ومولانا محمد وآلہ واصحابہ اجمعین امابعد ! آقائے نامدار ۖ نے اپنے بعد کچھ ہدایات دیں ہیں، فرمایا: اِقْتَدَ وْا بِالَّذَیْنِ مِنْ بَعْدِیْ مِنْ اَصْحَابِیْ اَبِیْ بَکْرٍ وَّعُمَرَ جو میرے صحابہ میں میرے بعد دو رہیں گے یعنی ابوبکر اور عمر اِن کی پیروی کرتے رہنا۔ فرمایا کہ اِھْتَدَ وْا بِھَدْیِ عَمَّارٍ ١ عمار بن یاسر رضی اللہ عنہ کے بارے میں ارشاد فرمایا کہ اِن کی سیرت اختیار کرو۔ حضرت عمار بن یاسر رضی اللہ عنہ نے بہت تکالیف اُٹھائی تھیں۔ اُن کی والدہ کو شہید کردیا گیا۔ یہ اُن لوگوں میں تھے جو بہت ضعیف سمجھے جاتے تھے، جنہیں تکلیف دینے پر کوئی حمایتی کھڑا نہیں ہوتا تھا، رسول اللہ ۖ کو بہت محبوب تھے۔ ایک حدیث میں آیا ہے کہ یہ سر سے پائوں تک ایمان سے بھرے ہوئے ہیں،اور ایک حدیث شریف میں آیا ہے کہ تمہیںباغی جماعت قتل کرے گی۔ تو اِن کی شہادت صفین میں ہوئی ہے۔ یہ کوفہ گئے ہیں، حضرت علی رضی اللہ عنہ کے ساتھ رہے ہیں، بلکہ اِن کیلیے لوگوں کو لشکر میں آنے کے واسطے آمادہ کرتے رہے ١ مشکوٰة شریف ج٢ ص٥٧٨