ماہنامہ انوار مدینہ لاہور جون 2004 |
اكستان |
 |
لیے آپ ۖ اِ ن سے افضل ہیں اور آپ ۖ کی وجہ سے آپ کا روضۂ اطہر کا مخصوص حصہ بھی اِن سے افضل ہے کیونکہ عرش و کعبہ و کرسی اللہ تعالیٰ کے ٹھہرنے کی جگہیں نہیں ہیں۔ ٹھہرنا ،بیٹھنا ذوجسم کی خصوصیت ہے اور اللہ تعالیٰ جسم سے پاک ہیںاور روضۂ اطہر تو نبی علیہ السلام کے تشریف رکھنے کی جگہ ہے ۔عرش و کعبہ و کرسی پر اللہ تعالیٰ کی تجلی اور انوارات کی بارش ہوتی ہے لیکن نبی علیہ السلام کے سینہ مبارکہ پر بھی تو انوارات کی بارش ہوئی ہے اور آج روضۂ مبارکہ پر بھی انوارات اور رحمتوں کی بارش ہے ان اللّٰہ وملائکتہ یصلون علی النبی الآیة اور عرش و کعبہ وکرسی ان انوارات کو جذب نہیں کر سکتے جبکہ نبی علیہ السلام کے سینہ نے جذب کرلیا، باقی رہی صفات تو اگر عرش عظیم ہے تو نبی علیہ السلام بھی عظمت والے ہیں عرش کریم اور معزز ہے تو آپ ۖ بھی کریم ہیں اور بیت اللہ مبارک ہے تو آپ ۖ بھی بابرکت ذ ات ہیں کعبة اللہ ہدایت ہے تو آپ ۖ بھی ہدایت اور ہادی ہیں کعبة اللہ حرمت وعزت والا ہے تو آپ ۖ بھی حرمت و عزت والے ہیں تو جو فضیلت ان چیزوں کو حاصل ہے وہ بھی اور اس سے زائد فضیلت بھی آپ ۖ کو حاصل ہے۔ اللہ تعالیٰ نے فرمایا ورفعنالک ذکرک ہم نے آپ کی خاطر آپ کا ذکر بلند کردیا ۔تو جس کا ذکر بلند ہے وہ خود صاحبِ ذکر بلند شان والا کیسے نہیں ہے، عرش وکعبہ وکرسی کا ذکر تو آپ ۖ کے ذکر سے بلند نہیں تو اُن کی ذات آپ ۖ سے کیسے بلند ہوئی؟یہ درست ہے کہ کعبة اللہ کی طرف منہ کیے بغیر نماز نہیںہوتی لیکن کعبة اللہ کو یہ شرف حضور ۖ کی بدولت حاصل ہوا پہلے تو بیت المقدس کی طرف منہ کیا جاتا تھا قد نرای تقلب وجھک فی السماء الآیة تو کوئی آیت یا حدیث شریف ایسی نہیں ہے جو علماء دیوبند کے اِس عقیدے کے خلاف ہو۔ اور پھر یہ عقیدہ علماء دیوبند ہی کا نہیں ہے صحابہ کرام سے چلا آرہا ہے حضرت علی رضی اللہ عنہ کا فرمان ہے : ''انہ لیس فی الارض بقعة اکرم علی اللّٰہ من بقعة قبض فیھا نفس نبیہ صلی اللّٰہ علیہ وسلم ''(خلاصة الوفاء ص١٠) ''اللہ تعالیٰ کے نزدیک زمین میں کوئی حصہ اِس خطے سے زیادہ معزز نہیں ہے جس میں اپنے نبی ۖ کی رُوح قبض فرمائی''۔ امام نووی شافعی فرماتے ہیں : اجمعوا علٰی ان موضع قبرہ صلی اللّٰہ علیہ وسلم افضل بقاع الارض'' (شرح مسلم ص ٤٤٦ ج١ ) ''سب علماء کا اجماع ہے کہ آپ ۖ کی قبر کی جگہ زمین کے سب خطوں سے افضل ہے ''۔ امام قاضی عیاض مالکی فرماتے ہیں :