سرزمین پررکھدیا اوراُس صحابی سے کہا: میں نے زیادتی کی ہے، اپنے پیر سے میرا سر روند ڈالو۔
بعض روایات میں آتا ہے کہ آپ صلی اللہ علیہ وسلم نے فرمایا کہ :
میں ہر خدا ترس کا درست ہوں خواہ وہ حبشی سیاہ فام غلام ہی کیوں نہ ہو، اور میں ہربدبخت سے بری ہوں خواہ وہ شریف قریشی کیوں نہ ہو۔ (طبرانی)
حکیم مشرق اقبال نے سکندر رومی سے موازنہ کرتے ہوئے حضرت بلال حبشیؓ کے تعلق سے کہا ہے۔ ؎
لیکن بلال، وہ حبشی زادۂ حقیر
فطرت تھی جس کی نورِ نبوت سے مستنیر
جس کا امیں ازل سے ہوا سینۂ بلال
محکوم اُس صدا کے ہیں شاہنشہ وفقیر
ہوتا ہے جس سے اسود واحمر میں اختلاط
کرتی ہے جو غریب کو ہم پہلوئے امیر
اقبال کس کے عشق کا یہ فیض عام ہے
رومی فناہوا، حبشی کو دوام ہے
اسلام نے انسانیت کے ناطے سے مسلم وغیر مسلم میں بھی مساوات کی صدالگائی ہے، ہر غیر مسلم کے ساتھ انصاف کا حکم دیا ہے، سازشی اور ہٹ دھرمی اور عملی مخالفانہ اقدامات کرنے والے غیر مسلموں کے سوا سب سے مواسات ومدارات کا حکم دیا ہے، قلبی تعلق سے البتہ منع کیا ہے، ذمیوں اور معاہدین کے بے شمار حقوق متعین کردئیے ہیں ، اور بے انتہا وسیع الظرفی کا ثبوت دیا ہے۔
