اسلام کا نمایاں امتیازہر مسلمان کو ربّانی بنانا ہے
دین اسلام تمام ادیان ومذاہب عالم میں اس لحاظ سے بیحد امتیازی مقام کا حامل ہے کہ یہ ربانی مذہب ہے اور یہ ہر مسلمان کو ربانی بنانا چاہتا ہے اور اس کے ہر حکم میں ربانیت کی روح جلوہ گر نظر آتی ہے، اسلام کا اصل مقصد یہ ہے کہ انسان کا تعلق اللہ سے بہتر اور مضبوط ہوجائے، اور انسان ہمہ وقت اللہ کی رضا جوئی میں منہمک رہے، یہی اس کا مطمحِ نظر اور مقصدِ حیات بن جائے، اسلام کے اور بھی انسانی، اصلاحی اور معاشرتی اہم مقاصد ہیں مگر اصل الاصول اور سب سے بڑا مقصد انسان کو طلب رضائے باری کی مہم میں لگانا اور ربانی بنانا ہے، معاملات کے تعلق سے جو انسانی احکام ہیں ان کا بھی مقصود انسانی زندگی کی تنظیم، ہر طرح کی کشمکش اور بے سکونی سے بچانا اور انسان کو اللہ کی معرفت اور عبادت اور رضا طلبی کے لئے فارغ کرنا ہی ہے، اسلام کے جہادی حکم کا مقصد بھی قرآنی زبان میں ’’فتنہ کا سدِّ باب اور دین کو خالص اللہ کے لئے بنانا‘‘ ہے ۔(الانفال/۲۹)
تلاش معاش، طلب رزق، اہتمامِ حلال وطیب کا جو اسلامی حکم ہے اس کا مقصد بھی اللہ کی نعمت کا شکر اور اس کے حق کی ادائیگی ہے، ہر اسلامی حکم وتعلیم -خواہ وہ کسی بھی شعبۂ