مساوات اور وحدت پر مبنی جامع اسلامی نظام
اسلام دیگر مذاہب عالم میں اپنی ایک انفرادی اور امتیازی شان رکھتا ہے، مساوات اور برابری بھی اسلام کی ایک ممتاز اور نمایاں ترین خصوصیت ہے، اسلامی مساوات کا دائرہ بے حد وسیع ومحیط اور ہمہ گیر وہمہ جہت ہے، اس میں جنس ونسل، حسب ونسب، لون ووطن سب آتے ہیں ۔
اسلام انسانیت کو مکرّم قرار دیتے ہوئے فرماتا ہے۔
وَلَقَدْ کَرَّمْنَا بَنِی آدَمَ وَحَمَلْنَاہُمْ فِیْ الْبَرِّ وَالْبَحْرِ وَرَزَقْنَاہُمْ مِنَ الطَّیِّبَاتَ وَفَضَّلْنَاہُمْ عَلَیٰ کَثِیْرٍ مِّمَّنْ خَلَقْنَا تَفْضِیْلاً۔ (الاسراء: ۷۰)
یہ تو ہماری عنایت ہے کہ ہم نے ان لوگوں کو بزرگی دی اور انھیں خشکی وتری میں سواریاں عطا کیں اور ان کو پاکیزہ چیزوں سے رزق دیا اور اپنی بہت سی مخلوقات پر نمایاں فوقیت بخشی۔
اس آیت میں یہ واضح فرمادیا گیاہے کہ ہر انسان مکرّم ہے اور ہر مرحلہ وموقعہ پر اس کرامت کی رعایت کی جانی چاہئے، اور اسی کرامت کا تقاضا یہ ہے کہ مساوات کا التزام کیا
