ماہنامہ انوار مدینہ لاہور اگست 2017 |
اكستان |
 |
علمی مضامین سلسلہ نمبر١٤ قسط : ٨ ''خانقاہِ حامدیہ''نزد جامعہ مدنیہ جدید رائیونڈ روڈ لاہورکی جانب سے محدث ، فقیہ، مؤرخ، مجاہد فی سبیل اللہ،مؤلف کتب کثیرہ شیخ الحدیث حضرت اَقدس مولانا سیّد محمد میاں صاحب رحمة اللہ علیہ کے بعض اہم مضامین جو تاحال طبع نہیں ہوسکے اُنہیں سلسلہ وار شائع کرنے کا اہتمام کیا گیا ہے جبکہ اُن کی نوع بنوع خصوصیات اِس بات کی متقاضی ہیں کہ اِفادۂ عام کی خاطر اُن کو شائع کردیا جائے۔ اِسی سلسلہ میں بعض وہ مضامین بھی شائع کیے جائیں گے جو بعض جرا ئد و اَخبارات میں مختلف مواقع پر شائع ہو چکے ہیں تاکہ ایک ہی لڑی میں تمام مضامین مرتب و یکجا محفوظ ہو جائیں۔ (اِدارہ)حیاتِ مسلم پیدائش سے وفات تک سنن مستحبا ت، بدعات و مکروہات ( شیخ الحدیث حضرت مولانا سیّد محمد میاں صاحب )قبر : (١) حضرت عثمان بن عفان رضی اللہ عنہ (خلیفہ سوم) جب کسی قبر پر پہنچتے تواُن پر اتنا گِریہ طاری ہوتا کہ آنسوؤں سے ریش مبارک تر ہوجاتی، آپ سے کہا گیا کہ آپ کے سامنے جنت اور دوزخ کا ذکر ہوتا ہے اُس پر آپ کو گِریہ نہیں آتا قبر دیکھتے ہیں تو گِریہ سے آپ بے حال ہوجاتے ہیں ؟ حضرت عثمان رضی اللہ عنہ نے فرمایا آنحضرت ۖ فرمایا کرتے تھے کہ قبر آخرت کی منزلوں میںسب سے پہلی منزل ہے اگر اِس سے نجات مل گئی تو بعد کی منزلیں بہت سہل ہوجاتی ہیں اور اگر کوئی یہاں پھنس کر رہ گیا اور یہ منزل کٹھن ہوگئی تو بعد کی منزلیں کہیں زیادہ کٹھن ہوں گی، آنحضرت ۖ نے فرمایا جتنے منظر بھی میری نظر سے گزرے قبر کا منظر اُن میں سب سے زیادہ سخت ہے ۔ ١ ------------------------------١ تر مذی شریف جلد دوم ص ٥٥