ماہنامہ انوار مدینہ لاہور اگست 2017 |
اكستان |
 |
مسجد ِ نبوی شریف میں نماز پڑھنے کا ثواب : حدیث شریف میں آتا ہے : ''مسجد نبوی شریف کی ایک نماز پڑھنے کا ثواب پچاس ہزار نمازوں کے برابر ملتا ہے۔'' ١ ایک حدیث شریف میں آتا ہے حضرت انس رضی اللہ عنہ فرماتے ہیں آنحضرت ۖ فرمایا :مَنْ صَلّٰی فِیْ مَسْجِدِیْ اَرْبَعِیْنَ صَلٰوةً لَا تَفُوْتُہُ صَلٰوة کُتِبَ لَہُ بَرَائَ ة مِّنَ النَّارِ وَبَرَائَ ة مِّنَ الْعَذَابِ وَبَرِیّ مِّنَ النِّفَاقِ۔ ٢ ''جو شخص میری مسجد میں اس طرح چالیس نمازیں پڑھے گا کہ کوئی نماز بھی مسجد میں جماعت کے ساتھ پڑھنے سے فوت نہیں ہوگی تو وہ آگ سے بری ہوگا عذاب ِالٰہی سے بری ہوگا اور منافقت سے بری ہوگا۔ '' چالیس نمازیں آٹھ دن میں پوری ہوجاتی ہیں آٹھ دن میںمسلسل مسجد ِ نبوی میں نماز پڑھنے پر یہ اجر و ثواب دیا جا رہا ہے۔مسجد ِقبا میں نماز پڑھنے کا ثواب : مدینہ پاک میں مسجد قبا ہے جس کی بنیاد نبی علیہ السلام نے رکھی تھی اُس مسجد کا قرآنِ کریم میں بھی ذکر آیا ہے اس کے بارے میں نبی کریم ۖ فرماتے ہیں :مَنْ تَطَھَّرَ فِیْ بَیْتِہِ ثُمَّ اَتٰی مَسْجِدَ قُبَائَ فَصَلّٰی فِیْہِ صَلٰوةً کَانَ لَہُ کَاَجْرٍ عُمْرَةٍ ٣ ''جس نے گھر میں وضو کیا پھر اُس نے مسجدِ قبا آکر (دو رکعت نفل) نماز پڑھی تو اُسے ایک عمرہ کے برابر ثواب ملے گا۔ '' کس قدر خوش قسمت ہیں وہ لوگ جنہیں مدینہ طیبہ کی حاضری نصیب ہوتی ہے شاید یہی وجہ ہے کہ جولوگ حج کو جائیں اور بلا عذر مدینہ منورہ نہ جائیں تو حضور ۖ اُن سے ناراض ہوتے ہیں چنانچہ آپ فرماتے ہیں : ------------------------------١ ابن ماجہ ص ١٠٣ باب ماجاء فی الصلٰوة فی المسجد الجامع، الترغیب والترہیب ج ٣ ص ١٤٠، مشکوة ص ٧٢ ٢ الترغیب والترہیب ج ٢ ص ١٣٩ ٣ الترغیب الترہیب ج ٢ ص ١٤٢