ماہنامہ انوار مدینہ لاہور اگست 2017 |
اكستان |
 |
اخبار الجامعہ ( جامعہ مدنیہ جدید محمد آباد رائیونڈ روڈ لاہور) مؤرخہ ٢٧رمضان المبارک ١٤٣٨ھ /٢٣جون ٢٠١٧ء کو حضرت اقدس سیّدی و مرشدی مولانا سیّد محمود میاں صاحب دامت برکاتہم نے تین حضرات کوخرقہ ٔخلافت و دَستار سے نوازا : (١) مولانا عطاء اللہ صاحب ندیم بن غلام رسول صاحب ، ضلع خضدار (فاضل جامعہ مدنیہ جدید ) (٢) مولانا محمد شفیق صاحب بن عبدالرشید صاحب ،ضلع کراچی (فاضل جامعہ مدنیہ جدید ) (٣) مولانا محمد مصعب صاحب بن عبید اللہ صاحب ، ضلع وہاڑی (فاضل جامعہ مدنیہ جدید ) اللہ تعالیٰ اِن سلاسلِ طیبہ کے فیوض و برکات کو اَقوامِ عالم میں تا قیامت جاری و ساری فرماکر قبولیت سے نوازے اور ہمیں اِن مشائخ کی تعلیمات پر عمل کی تو فیق عطا فرمائے ،آمین۔ ١١ شوال المکرم /٧ جولائی سے جامعہ مدنیہ جدید میں نئے تعلیمی سال کے داخلے شروع ہوئے اور کثیر تعداد میں طلباء کی آمد شروع ہو گئی ، اِسی روز سے تعلیم کا آغاز ہوگیا،والحمد للہ۔ ١١ جولائی کو شیخ الحدیث حضرت مولانا سیّد محمود میاں صاحب، مولانا سلطان معاویہ صاحب کی دعوت پر جنڈیالہ روڈ شیخوپورہ تشریف لے گئے جہاں آپ نے نئے مدرسے کے افتتاح کے موقع پر مدارس کی اہمیت پر مختصر بیان فرمایا۔ ١٥ جولائی بروز ہفتہ کو شیخ الحدیث حضرت مولانا سیّد محمود میاں صاحب ، مفتی خلیل الر حمن صاحب کی دعوت پر کوئٹہ تشریف لے گئے، حضرت نے دارُ الافتاء ا ور مدرسہ تعلیم الاسلام مشن روڈ میں علماء و طلبہ سے تحصیل ِ علم کے موضوع پر خطاب فرمایا، بعد اَزاں جامعہ محمدیہ مشرقی بائی پاس نزد فاروقیہ تبلیغی مرکز میں حضرت کا علماء و طلبہ میں طلب ِ علم کے موضوع پر بیان ہوا۔بعد از نماز عصر مدرسہ فرقانیہ ولیج ایڈسریاب روڈ میں حضرت نے ادارے کے بانی بزرگ عالم ِدین حضرت سیّد عبد الستار شاہ صاحب