ماہنامہ انوار مدینہ لاہور اگست 2017 |
اكستان |
 |
اگرکسی کو حجر اسود کا بوسہ لینے کی توفیق ہو جائے تویہ اُس کے لیے بڑی سعادت کی بات ہے حدیث ِ پاک میں آتا ہے : ''قیامت کے دن حجرِاسود اپنے بوسہ لینے والے کے ایمان کی گواہی دے گا۔'' ١ اسی مقام پراللہ تعالیٰ نے زمزم کے پانی کا چشمہ جاری فرمایا ہے جس کا پینا بھی ثواب اور دیکھنا بھی ثواب حدیث پاک میں آتاہے حضور اکرم ۖ نے فرمایا : ماء زمزم لما شرب لہ۔٢ زمزم جس نیت سے پیواللہ وہ پوری فرمادیتے ہیں۔ یہ سعادتیں انسان کو حج (یا عمرہ) پرجانے سے ملتی ہیں اللہ سے دعا کرنی چاہیے کہ وہ ہمیں حج کے لیے جانے کی توفیق نصیب فرمائے۔مدینہ طیبہ جانے پر حاجی کا اعزاز و اِکرام : جب انسان حج کے لیے جاتا ہے توحج سے فارغ ہوکر مدینہ طیبہ بھی جاتا ہے تو اُس کا یہ اعزاز واکرام کیا جاتا ہے حضور اکرم ۖ فرماتے ہیں :مَنْ زَارَنِیْ بَعْدَ وَفَاتِیْ فَکَاَنَّمَا زَارَنِیْ فِیْ حَیَاتِیْ۔ ٣ ''جو شخص میری وفات کے بعد مجھ سے ملنے آیا وہ ایسے ہی ہے جیسے میری زندگی میں مجھ سے ملنے آیا۔'' حضور ۖ کے روضہ کی زیارت سے آپ کی شفاعت واجب ہوتی ہے : ایک حدیث میں آپ فرماتے ہیںمَنْ زَارَ قَبْرِیْ وَجَبَتْ لَہ شَفَاعَتِیْ ۔ ٤ ''جس شخص نے میری قبر کی زیارت کی اُس کے لیے میری شفاعت واجب ہوگئی۔ '' مدینہ طیبہ جانے والے کا ایک اکرام یہ کیا جاتا ہے کہ اُس کا اجرو ثواب بڑھادیا جاتا ہے۔ ------------------------------١ الترغیب والترہیب ج ٢ ص ١٢٤ ٢ ایضًا ج ٢ ص ١٣٦ ٣ ایضًا ج ٢ ص ١٤٧ ٤ رواہ البزار والدار قطنی قال النووی وقال ابن حجر فی شرح المناسک رواہ ابن خزیمہ فی صحیحہ وصححہ جماعة کعبد الحق والتقی السبکی فضائل حج ص ٩٦