ماہنامہ انوار مدینہ لاہور اگست 2017 |
اكستان |
|
کی مزاج پُرسی فرمائی پھر بیرشریف حضرت مولانا عبد الکریم صاحب رحمة اللہ علیہ کے خلیفۂ مجاز حضرت مولانا عبد الہادی صاحب مدظلہم کی خواہش پر حضرت اُن کی خانقاہ تشریف لے گئے بعد اَزاں جامعہ مدنیہ جدید سریاب کسٹم کوئٹہ میں نکاح کی مجلس منعقد ہوئی جس میں حضرت نے ''برکاتِ نکاح'' کے موضوع پر بیان فرمایا۔ ١٦ جولائی بروز اتوار صبح گیارہ بجے جامعة الحسین وجامعہ حفصہ دیبہ کوئٹہ کے تعلیمی سال کے افتتاح کے موقع پر حضرت مولانا سیّد محمود میاں صاحب مدظلہم نے بخاری شریف کی پہلی حدیث پڑھائی اس موقع پر حجیت ِ حدیث پر سیر حاصل بیان فرمایا۔ بعد از نماز ظہر حضرت ،قاری صاحب کے مدرسے سر کی کلاں تشریف لے گئے اور برکت کی دعا کی ،بعد اَزاں مدرسہ انوار العلوم چشمہ خدو روڈ دیبہ کوئٹہ میں علماء وطلباء سے سیر حاصل بیان فرمایا۔ بعد از نمازعصرحضرت نے مر کز شبانِ ختم ِ نبوت جامع مسجد ابراہیم دیبہ کوئٹہ ساتھیوں سے ختم ِ نبوت کے موضوع پر خطاب فرمایا۔ بعد از نماز مغرب جامع مسجد عیدگاہ طوغی روڈ میں عمومی مجمع سے خطاب کرتے ہوئے اسلام کی دیگر تمام ادیان پربرتری اور کمالات پر روشنی ڈالی۔ ٧ا جولائی کو حضرت مولانا سیّد محمود میاں صاحب مدظلہم صبح ساڑھے نو بجے فاضل جامعہ جدید مولاناساجد صاحب کی دعوت پر جامعہ عربیہ اُم عائشہ للبنات میں تشریف لائے جہاں آپ نے طالبات کو بخاری شریف کی پہلی حدیث پڑھائی اور مختصر تقریر فرمائی اور جامعہ کی ترقی کے لیے دعا فرمائی۔ قمبرانی روڈ پر واقع جامعہ محمدیہ مرکزی مسجد ابراہیم کی دوسری منزل کی تعمیر کے لیے حضرت صاحب نے جبلِ اُحد کے پتھر کو بنیاد میں رکھ کر جامعہ اور مسجد کے لیے دعا فرمائی۔ بعد اَزاں حضرت صاحب نے ایک اور نئے مدرسہ کی بنیاد رکھی جس کا نام مولوی عثمان صاحب کی خواہش پر ''فتح العلوم عثمانیہ '' تجویز فرمایا اور پھر وہاں سے قافلے کے ہمراہ قلعہ عبد اللہ جو کہ کوئٹہ سے ٦٥ کلو میٹر فاصلے پر ہے فاضل ِ جامعہ مولانا کلیم اللہ صاحب کی دعوت پر تشریف لے گئے حضرت صاحب