باعتبار دم کے حیوانات کی تین قسمیں ہیں :
(1)ما لیس لہ دمٌ أصلاً :جن جانوروں کا خون بالکل ہی نہیں ہوتا ۔جیسے :مچھلی ، ٹڈی وغیرہ ۔
(2)مالیس لہ دمٌ سائلٌ :جن جانوروں کا بہتا ہوا خون نہیں ہوتا ۔جیسے : سانپ ، چھپکلی وغیرہ ۔
(3)مالہ دمٌ سائل :جن جانوروں کا بہنے والا خون ہوتا ہے ۔جیسے : گائے بکری وغیرہ ۔
ان تینوں کی مثالیں اور حرمت اور حلت کے احکام (بذل المجہود :16/140) پر ملاحظہ فرمائیں۔
غور کرنے سے یہ معلوم ہوتا ہے کہ پہلی قسم میں سوائے مچھلی اور ٹڈی کے کوئی جانور حلال نہیں ۔دوسری قسم ساری کی ساری حرام ہے ۔اور تیسری قسم میں حلال اور حرام دونوں ہیں ۔
أکل اور ذکاۃ کے اعتبا ر سے حیوانات کی تین قسمیں ہیں :
(1)مايؤكل بدون ذكاة :جو بغیر ذبح کیے کھائے جاتے ہیں ، جیسے : مچھلی اور ٹڈی ۔
(2)ما يؤكل بالذكاة :جو ذبح کر کے کھائے جاتے ہیں ، جیسے : گائے بکری وغیرہ ۔
(3)ما لا يؤكل وإن ذُكِّي:جو بالکل نہیں کھائے جاتے ہیں ، اگرچہ ذبح ہی کردیا جائے ،جیسے : کلب ۔
