ماہنامہ انوار مدینہ لاہور نومبر 2015 |
اكستان |
|
درسِ حدیث حضرت اَقدس پیر و مرشد مولانا سیّد حامد میاں صاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈ روڈ لاہور کے زیرِاِنتظام ماہنامہ'' اَنوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچایا جاتا ہے، اللہ تعالیٰ حضرتِ اَقدس کے اِس فیض کو تا قیا مت جاری و مقبول فرمائے۔ (آمین) کنجوسی بری ہے اور فضول خرچی بھی عیش پرستی اور تن آسانی سے بچو اَلْحَمْدُ لِلّٰہِ رَبِّ الْعَالَمِیْنَ وَالصَّلٰوةُ وَالسَّلَامُ عَلٰی خَیْرِ خَلْقِہ سَیِّدِنَا وَمَوْلَانَا مُحَمَّدٍ وَّاٰلِہ وَاَصْحَابِہ اَجْمَعِیْنَ اَمَّابَعْدُ ! یہاں '' تَنَعُّمْ '' کا مطلب ہے اپنی تن آسانی کے لیے حد سے زیادہ سامان مہیا کرنا، نعمتوں کی فراوانی چاہنا، سامانِ عیش و راحت جمع کرنا، تن پروری اور سہولت پسندی اِختیار کرنا، تو اِس سے آپ ۖ نے حضرت معاذ کو بچنے اور اِحتراز کرنے کی تلقین فرمائی اور بتلایا کہ اللہ کے نیک بندے عیش پسند نہیں ہوتے ١ بلکہ سادگی اور کم سامانی کو ہی اپنے حق میں بہترسمجھتے ہیں اور خواہ مخواہ کے تکلّفات سے کنارہ کش رہتے ہیں گویا حضرت معاذ رضی اللہ عنہ کو اِس بات کا حکم دیا گیا کہ دُنیا کی طرف زیادہ توجہ نہ دو، سامان اکٹھا کرنے کی فکر میں نہ پڑو، خواہشات کی تکمیل کو اپنی زندگی کا مقصد نہ بناؤ، کم سامانی اور تھوڑے سے رزق پر ہی راضی رہو۔ حضرت فاروقِ اعظم رضی اللہ عنہ کی خدمت میں ایک دفعہ پانی لایا گیا جس میں شہد ملا ہوا تھا آپ نے فرمایا اِنَّہ لَطَیِّب ٢ یہ پاکیزہ اور عمدہ چیز ہے مگر مجھے نعمتیں اِستعمال کرتے ہوئے ڈر لگتا ہے ١ مشکوة شریف کتاب الرقاق رقم الحدیث ٥٢٦٢ ٢ مشکوة شریف رقم الحدیث ٢٦٦