ماہنامہ انوار مدینہ لاہور نومبر 2015 |
اكستان |
 |
دھیان رکھاجائے اور اللہ کی عظمت اور محبت کے شعور کے ساتھ ذکر کیا جائے اور اِس پر یقین رکھا جائے کہ اللہ تعالیٰ میرے پاس اور میرے ساتھ ہیں اور میرے ہر لفظ کو سن رہے ہیں۔ (٣) ذکر کے لیے وضو شرط نہیں ہے، اِس لیے وضو نہ ہونے کی حالت میں بھی بے تکلف ذکر کیا جا سکتا ہے ، اِنشاء اللہ جس ثواب کا وعدہ ہے وہ پورا پورا ملے گا لیکن وضو کے ساتھ ذکر کی تاثیر اور نورانیت بڑھ جاتی ہے۔ (٤) اُوپر بتایا جا چکا ہے کہ ذکر کے تمام کلمات میں کلمۂ تمجید (تیسرا کلمہ) سُبْحَانَ اللّٰہِ وَالْحَمْدُ لِلّٰہِ وَلَآ اِلٰہَ اِلَّا اللّٰہُ وَاللّٰہُ اَکْبَرْ بہت جامع ہے ،اگر اِس کواپنا وِرد بنا لیا جائے تو اِس میں سب کچھ ہے اور اپنے اکثر بزرگوں کو دیکھا ہے کہ وہ عام طالبین کومستقل وِرد کے لیے یہی کلمہ اور اِس کے ساتھ اِستغفار اور درود شریف بتلاتے ہیں ۔ اللہ تعالیٰ ہم سب کو توفیق دے کہ اُس کے ذکر سے ہمارے قلوب معمور اور ہماری زبانیں تر رہیں اور اُس کے اَنوار وآثار اور برکات و ثمرات ہمیں نصیب ہوں۔ ہمارا شغل ہو راتوں کو رونا یادِ دلبر میں ہماری نیند ہو محو خیالِ یار ہو جانا وفیات دہلی میں بڑے حضرت کے عم زاد سیّد عارف میاں صاحب کی خوشدامن صاحبہ گذشتہ ماہ طویل علالت کے بعد وفات پاگئیں، اللہ تعالیٰ مرحومہ کی مغفرت فرمائے اور لواحقین کو صبر جمیل کی توفیق عطا فرمائے، آمین۔ اِنَّا لِلّٰہِ وَاِنَّا اِلَیْہِ رَاجِعُوْنَ جامعہ مدنیہ جدید اور خانقاہِ حامدیہ میں مرحومین کے لیے اِیصالِ ثواب اور دُعائے مغفرت کرائی گئی اللہ تعالیٰ قبول فرمائے ، آمین۔ اہلِ اِدارہ جملہ پسماندگان کے غم میں برابر کے شریک ہیں۔