ماہنامہ انوار مدینہ لاہور نومبر 2015 |
اكستان |
|
قسط : ٢٣ اِسلام کیا ہے ؟ ( حضرت مولانا محمد منظور صاحب نعمانی رحمة اللہ علیہ ) سترہواں سبق : ذکر اللہ رسول اللہ ۖ کے تعلیم فرمائے ہوئے خاص خاص اَذکار : جو آیتیں اور حدیثیں اَب تک مذکور ہوئیں اُن سے اللہ کے ذکر کی اہمیت اور فضیلت معلوم ہوچکی اور پہلے یہ بھی بتلایا جا چکا ہے کہ اللہ کے ذکر کی کثرت سے اللہ کی محبت پیدا ہوتی اور بڑھتی ہے۔ اب ہم کو اور آپ کو رسول اللہ ۖ کے تعلیم کیے ہوئے اور پسندفرمائے ہوئے ذکر کے خاص خاص کلمے معلوم کر لینا چاہئیں۔ اَفضل الذکر : حضرت جابر رضی اللہ عنہ سے روایت ہے کہ رسول اللہ ۖ نے فرمایا : ''سب ذکروں میں اَفضل الذکر لَآ اِلٰہَ اِلَّا اللّٰہْ کا ذکر ہے۔'' ایک دُوسری حدیث میں ہے جو حضرت اَبو ہریرہ رضی اللہ عنہ سے مروی ہے کہ رسول اللہ ۖ نے فرمایا : ''جب کوئی بندہ دِل کے پورے اِخلاص سے لَآ اِلٰہَ اِلَّا اللّٰہْ کہتا ہے تو اِس کلمہ کے لیے آسمانوں کے دروازے کھل جاتے ہیں یہاں تک کہ یہ سیدھا عرش تک پہنچتا ہے بشرطیکہ وہ بندہ کبیرہ گناہوں سے پر ہیز کرے ۔'' اور ایک حدیث میں ہے رسول اللہ ۖ نے بیان فرمایا کہ : ایک دفعہ حضرت موسٰی علیہ السلام نے اللہ تعالیٰ سے عرض کیا مجھے کوئی چیز بتلائی