ماہنامہ انوار مدینہ لاہور اپریل 2015 |
اكستان |
 |
بھائیو ! اِس زمانہ کے بعض خدا رسیدہ اور روشن دِل بزرگوں کا خیال ہے کہ مسلمانوں پر ایک عرصہ سے جو مصیبتیں اور ذلتیں آرہی ہیں اور جن پریشانیوں میں وہ مبتلا ہیں جو ہزاروں دُعاؤں اور ختموں اور وظیفوں کے باجود بھی نہیں ٹل رہی ہیں اِس کا بڑا سبب یہی ہے کہ ہم دین کی خدمت و دعوت اور لوگوں کی اِصلاح و ہدایت کے کام کو چھوڑے ہوئے ہیں جس کے لیے ہم پیدا کیے گئے تھے اور ختم نبوت کے بعد جس کے ہم پورے پورے ذمہ دار بنائے گئے تھے اور دُنیا کا بھی ایسا ہی قانون ہے کہ جو سپاہی اپنی خاص ڈیوٹی اَدا نہ کرے اُس کو معطل کردیا جاتا ہے اور بادشاہ جو سزا اُس کے لیے مناسب سمجھتا ہے دیتا ہے۔ آؤ آئندہ کے لیے اِس فرض اور اِس ڈیوٹی کواَنجام دینے کا ہم سب عہد کریں اللہ تعالیٰ ہمارا مدد گار ہو، اُس کا وعدہ ہے ۔ (وَلَیَنْصُرَنَّ اللّٰہُ مَنْ یَّنْصُرُہ)(سُورة الحج : ٤٠ ) ''اللہ تعالیٰ اُن لوگوں کی ضرور مدد کرے گا جو اُس کے دین کی مدد کریں گے۔'' ( چار بیماریوں سے حفاظت ) حضرت عبد اﷲ بن عباس رضی اﷲ عنہما سے ایک طویل حدیث میں روایت ہے کہ ایک بڑے میاں جنہیں قبیصہ کہا جاتا تھا وہ حضور علیہ السلام کے پاس آکر کہنے لگے کہ مجھے کوئی ایسی دُعا ء بتلا دیں جو مجھے دُنیا وآخرت میں نفع دے آپ ۖ نے فرمایا دُنیا کے نفع کے لیے تو یہ ہے کہ جب تم صبح کی نماز پڑھ چکو تو تین مرتبہ یہ کلمات کہہ لیا کرو سُبْحَانَ اﷲِ الْعَظِیْمِ وَبِحَمْدِہ وَلَا حَوْلَ وَلَا قُوَّةََ اِلَّا بِاﷲِ اِس کی برکت سے اﷲ تعالیٰ تمہیں چار بیماریوں سے بچائیں گے (١) جذام (٢) پاگل پن (٣) اَندھا پن (٤) فالج ۔ ( عمل الیوم واللّیلة لابن سنی ص ١١٧)