ماہنامہ انوار مدینہ لاہور اگست 2012 |
اكستان |
 |
قسط : ٨ ، آخری مروجہ محفل ِمیلاد
( حضرت مولانا مفتی قاری عبدالرشید صاحب رحمة اللہ علیہ )
اللہ تعالیٰ نے جامعہ مدنیہ لاہور کے سابق اُستاذ الحدیث حضرت مولانا مفتی قاری عبدالرشید صاحب رحمة اللہ علیہ (م: ١٤١٢ھ / ١٩٩٢ئ) کو اِحقاقِ حق اَور اِبطالِ باطل کا خاص ملکہ عطا ء فر یا یا تھا۔ آپ نے و عظ و تلقین اَور اِرشاد و نصیحت کے ساتھ ساتھ تصنیف و تالیف سے بھی دین کی خدمت و حفاظت کا فریضہ سر اَنجام دیا اِس سلسلہ میں مشقتیں اَور صعوبتیں بھی برداشت کیں۔ آپ کے تصنیفی مواد میں سے ''مروجہ محفلِ میلاد'' اپنے موضوع پر منفرد اَور تحقیقی کتاب ہے اِس کتاب کی اِفادیت کے پیش نظر اِسے نذرِ قارئین کیا جا رہا ہے۔ (اِدارہ)
مساجد میں اَشعار پڑھنا ممنوع ہیں :
(١) مروجہ محفلِ میلاد میں اَشعار پڑھے جاتے ہیں حالانکہ حضور ۖ نے مسجد میں اَشعار پڑھنے سے منع فرمایا ہے، چنانچہ حکیم بن حزام رضی اللہ عنہ نقل فرماتے ہیں کہ :
نَھٰی رَسُوْلُ اللّٰہِ صَلَّی اللّٰہُ عَلَیْہِ وَسَلَّمَ اَنْ یُّسْتَقَادَ فِی الْمَسْجِدِ وَاَنْ یُّنْشَدَ فِیْہِ الْاَشْعَارُ وَاَنْ تُقَامَ فِیْہِ الْحُدُوْدُ ۔ ١
''حضور ۖنے مسجد کے اَندر قصاص لینے اَور اَشعار پڑھنے اَور حد (چوری زنا وغیرہ کی شرعی سزا) قائم کرنے سے منع فرمایا ہے۔''
ایک دُوسری حدیث شریف میں آتا ہے کہ :
١ مشکوٰة شریف ص ٧٠۔ اَبو داود ج دوم ص ٢٦١۔