ماہنامہ انوار مدینہ لاہور اگست 2012 |
اكستان |
 |
وفیات اِنَّا لِلّٰہِ وَاِنَّا اِلَیْہِ رَاجِعُوْنَ گذشتہ ماہ ١٤ شعبان کو شیخ العرب والعجم حضرت مولانا سیّد حسین اَحمد مدنی رحمہ اللہ کی اہلیہ محترمہ دیوبند میں اِنتقال فرما گئیںمرحومہ کی عمر سو برس ہوئی آپ ''آپا''کے نام سے جانی جاتی تھیں۔اللہ تعالیٰ نے مرحومہ کو بے شمار کمالات سے نواز رکھا تھا۔تقوی،پرہیزگاری،صلہ رحمی ،حسن اَخلاق ،ملنساری، مہمان نوازی اَور سخاوت جیسے اَوصاف آپ کے مزاج کا گویا حصہ تھے۔آپ کی وفات جہاں خاندانِ مدنی کے لیے بہت بڑا سانحہ ہے ویسے ہی پوری دُنیا میں پھیلے ہوئے آپ کے تمام متوسلین کے لیے بہت بڑی محرومی ہے۔ اللہ تعالیٰ مرحومہ کی مغفرت فرما کر آخرت کی ہر منزل آسان فرمائے اَور جنت الفردوس میں اعلیٰ مقام عطا فرمائے۔حضرت مولانا سیّد اَرشد صاحب مدنی ،حضرت مولانا سیّد اَسجد صاحب مدنی اَور آپ کے پوتے حضرت مولانا سیّد محمود صاحب مدنی مدظلہم اَور دیگر تمام اہلِ خانہ کی خدمت میں اہلِ اِدارہ تعزیت ِمسنونہ پیش کرتے ہوئے دُعاگو ہیں کہ اللہ تعالیٰ اِن کو اِس حادثہ پر صبر جمیل عطا فرمائے،آمین۔ ١٠جولائی کو دارُالعلوم دیوبند کے سابق مہتمم حضرت مولانا مرغوب الرحمن صاحب رحمہ اللہ کی اہلیہ محترمہ بھی ٩٥برس کی عمر پاکر بجنور میں اِنتقال فرما گئیں۔مرحومہ نہایت پارسا اَور رحم دل خاتون تھیں ۔ اللہ تعالیٰ اُن کی مغفرت فرماکر جنت الفردوس میں اعلیٰ مقام عطا فرمائے اَور اُن کے پسماندگان کو صبر جمیل اَور اَجر عظیم عطا فرمائے،آمین۔ گذشتہ ماہ اَلحاج مبین اَحمدصاحب مدظلہم کے چھوٹے بھائی اَچانک وفات پاگئے۔ گذشتہ ماہ جناب محمود صاحب (برتن والے)کے والد حاجی ولی محمد صاحب حیدر آباد میں وفات پاگئے۔ یکم جولائی کو بھائی تنویر اَحمد صاحب کی والدہ اَور حکیم شیخ غلام علی اَنجم صاحبکی اہلیہ صاحبہ طویل علالت کے بعد وفات پاگئیں۔ اللہ تعالیٰ جملہ مرحومین کی مغفرت فرما کر جنت الفردوس میں اعلیٰ مقام نصیب فرمائے اَور لواحقین کو صبر جمیل کی توفیق عطا فرمائے،آمین۔جامعہ مدنیہ جدید اَور خانقاہ ِ حامدیہ میں جملہ مرحومین کے لیے اِیصالِ ثواب اَور دُعائے مغفرت کرائی گئی ،اللہ تعالیٰ قبول فرمائے ، آمین۔