ماہنامہ انوار مدینہ لاہور نومبر 2010 |
اكستان |
|
اَخبار الجامعہ ( جامعہ مدنیہ جدید محمد آباد رائیونڈ روڈ لاہور ) ٢٤ اکتوبر کو بعد نمازِ ظہر ناظم عمومی جمعیت علمائے اِسلام حضرت مولانا عبدالغفور صاحب حیدری مدظلہم جامعہ مدنیہ جدید تشریف لائے اَور طلباء سے عمومی خطاب فرمایا،بعد اَزاں جامعہ کے مہتمم شیخ الحدیث حضرت مولانا سیّد محمود میاں صاحب کی قیام گاہ پر تشریف لائے اَورچائے نوش فرمائی اَور ملکی حالات پر گفتگو ہوئی۔ ٢٥ اکتوبر کو صبح گیارہ بجے محترم الحاج ڈاکٹر ابوسلمان صاحب شاہجہاں پوری مدظلہم جامعہ جدید تشریف لائے اَور طلباء سے سوال وجواب کی عمومی نشست ہوئی جو ایک گھنٹے سے زائد جاری رہی۔بعد اَزاں جامعہ کے مہتمم شیخ الحدیث حضرت مولانا سیّد محمود میاں صاحب کی قیام گاہ پر تشریف لائے اَور دوپہر کا کھانا تناول فرمانے کے بعد تشریف لے گئے۔ جامعہ مدنیہ جدید کے فوری توجہ طلب ترجیحی اُمور (١) زیر تعمیرمسجد حامد کی تکمیل(٢) طلباء کے لیے مجوزہ دَارالاقامہ (ہوسٹل) اور درسگاہیں(٣) اَساتذہ اور عملہ کے لیے رہائش گاہیں(٤) کتب خانہ اور کتابیں (٥) زیر تعمیرپانی کی ٹنکی کی تکمیل ثواب جاریہ کے لیے سبقت لینے والوں کے لیے زیادہ اَجر ہے ۔