ماہنامہ انوار مدینہ لاہور نومبر 2010 |
اكستان |
 |
اَور بکر زور آور بھی ہے جبکہ زید نایاب یا کمیاب ہونے کی وجہ سے فروخت نہیں کرنا چاہتا۔ زید بکر کے جبر اَور زور سے بچنے کے لیے قسم کھاتا ہے کہ یہ کتاب تو خالد نے میرے پاس رکھی ہے اَور یہ نیت کی کہ میرے خریدنے پر اُس نے میری ملکیت پر میرے پاس رکھی جبکہ بکر کو یہ تأثر دیا کہ یہ بکر کی کتاب ہے جو اُس نے میرے پاس اَمانت رکھی ہے تو اِس طرح قسم کھانا اَور نیت کرنا جائز ہے کیونکہ یہاں زید مظلوم ہے اَور اِس کی قسم سچ سمجھی جائے گی۔ اَور اگر زید نے بکر پر دعوٰی کیا کہ اُس نے اپنا قلم زید کے ہاتھ فروخت کیا تھا لہٰذا وہ اُس کے سپرد کرے۔ بکر نے اگرچہ فی الواقع فروخت کیا تھا لیکن اَب وہ مکر گیا اَور قسم اُٹھوانے پر اُس نے یوں قسم کھائی کہ خدا کی قسم میرے ذمہ اِس قلم کو سپرد کرنا نہیں ہے اَور یہ نیت کر لی کہ ہدیہ کے طور پر سپرد کرنا میرے ذمہ نہیں ہے تو چونکہ بکر ظالم ہے اِس لیے اُس کی نیت کا اعتبار نہیں ہو گا اَور اُس کی قسم جھوٹی سمجھی جائے گی۔ وفیات ٭ دارُالعلوم دیوبند کے فاضل حضرت مولانا نذیر اللہ خان صاحب رحمہ اللہ مہتمم جامعہ اِسلامیہ نصرت الاسلام ٢١اکتوبر کو گلگت میںاِنتقال فرما گئے،آپ شیخ الاسلام حضرت مولانا سیّد حسین احمد صاحب مدنی کے شاگرد تھے ،اللہ تعالیٰ آپ کی خدمات کو قبول فرمائے۔ ٭ جامعہ مدنیہ جدید کے فاضل مولانا عزیز اللہ صاحب کی والدہ صاحبہ گذشتہ ماہ کوئٹہ میں وفات پاگئیں۔٭ جامعہ مدنیہ قدیم کے سابق مدرس مولانا عارف صاحب کا گیارہ سالہ بیٹا طویل علالت کے بعد گذشتہ ماہ چنیوٹ میں وفات پاگیا۔ اِنَّا لِلّٰہِ وَاِنَّا اِلَیْہِ رَاجِعُوْنَ اللہ تعالیٰ جملہ مرحومین کی مغفرت فرما کر جنت الفردوس میں جگہ عطاء فرمائے ۔جامعہ مدنیہ جدید اَور خانقاہِ حامدیہ میں مرحومین کے لیے اَیصالِ ثواب کرایا گیا، اللہ تعالیٰ قبول فرمائے، آمین۔