ماہنامہ انوار مدینہ لاہور جنوری 2009 |
اكستان |
 |
سلسلہ نمبر٣١ قسط : ١٠ ''الحامد ٹرسٹ''نزد جامعہ مدنیہ جدید رائیونڈ روڈ لاہورکی جانب سے شیخ المشائخ محدثِ کبیر حضرت اقدس مولانا سیّد حامد میاں صاحب رحمة اللہ علیہ کے بعض اہم خطوط اور مضامین کو سلسلہ وار شائع کرنے کا اہتمام کیا گیا ہے جو تاحال طبع نہیں ہوسکے جبکہ ان کی نوع بنوع خصوصیات اس بات کی متقاضی ہیں کہ افادۂ عام کی خاطر اِن کو شائع کردیا جائے۔ اسی سلسلہ میں بعض وہ مضامین بھی شائع کیے جائیں گے جو بعض جرا ئد و اخبارات میں مختلف مواقع پر شائع ہو چکے ہیں تاکہ ایک ہی لڑی میں تمام مضامین مرتب و یکجا محفوظ ہو جائیں۔ (اِدارہ) حضرت عائشہ کی عمر اور حکیم نیاز احمد صاحب کا مغالطہ حضرتِ اقدس اور حکیم نیاز احمد صاحب کے درمیان خط و کتابت ١ حضرت اَقدس صاحب کا خط محترمی و مکرمی دام مجدکم ! السلام علیکم ورحمة اللہ وبرکاتہ' گرامی نامہ موصول ہوا۔میں اِس مسئلہ میں ہمیشہ جناب رسالت مآب ۖ کی جامعیت ثابت کرتا رہا ہوں کہ آپ نے عملاً یہ بھی بتلادیا ہے کہ بڑی عمر والا مرد بالکل کم عمر لڑکی کے ساتھ کیسے رہے۔ اپنے جذبات کو مقدم رکھے یا اُس کے۔ اِس شادی کا جوڑ نہ تھا اِس لیے جب خواب دیکھا تو آپ نے دل میں فرمایا اِنْ یَّکُنْ ھٰذَا مِنْ عِنْدِ اللّٰہِ یُمْضِہ۔ یہ کوئی ''لو میرج نہ تھی''۔ ١ گزشتہ شماروں میں قارئین نے جہلم کے حکیم فیض عالم صاحب کی حضرت اقدس قدس سرہ العزیز سے طویل خط وکتابت ملاحظہ فرمائی، اَب اپریل ٢٠٠٨ء کے شمارہ سے سرگودھا کے حکیم نیازاحمدصاحب کی حضرت اقدس سے حضرت عائشہ رضی اللہ عنہا کی حضور اکرم ۖ سے شادی کے وقت عمرکے متعلق طویل خط وکتابت ملاحظہ فرمائیں گے۔ حکیم صاحب نے اِس سلسلہ میں ایک ضخیم کتاب لکھی ہے حکیم صاحب کومغالطہ ہے کہ حضرت عائشہ رضی اللہ عنہا کی نکاح ورُخصتی کے وقت جوعمراَحادیث میں آئی ہے وہ صحیح نہیں ہے۔ پیش ِنظر صفحات میں اِسی خط وکتابت کودیاجارہاہے۔(ادارہ)