ماہنامہ انوار مدینہ لاہور جنوری 2009 |
اكستان |
 |
یک تو ہے اِستغفار اَور ایک ہے توبہ۔ ''توبہ'' کے معنٰی ہیں رُجوع کرنا یعنی بندہ اپنی غلطی سے اپنے گناہ کے کام سے باز آجائے خدا کی طرف رُجوع کرلے گناہ سے ہٹ جائے یہ توبہ ہوئی اَور حدیث شریف میں یہ کلمات آتے ہیں اَسْتَغْفِرُ اللّٰہَ الَّذِیْ لَا اِلٰہَ اِلَّا ھُوَ الْحَیُّ الْقَیُّوْمُ وَاَتُوْبُ اِلَیْہِ ١ گو یا دو چیزیں اَلگ اَلگ ہیں ایک اَسْتَغْفِرُ آیا اَور ایک جگہ اَتُوْبُ آیا تو دونوں کے معنٰی جدا جدا ہیں۔ آقائے نامدار ۖ نے اِرشاد فرمایا کہ میں حق تعالیٰ سے اِستغفار کا جملہ دن بھر میں ستّر دفعہ سے بھی زیادہ اَدا کرتا ہوں۔ دُوسری حدیث شریف میں آتا ہے کہ لَیُغَانُ عَلٰی قَلْبِیْ میرے دل پر بادل جیسا آجاتا ہے وَاِنِّیْ لَاَسْتَغْفِرُ اللّٰہَ فِی الْیَوْمِ مِأَةَ مَرَّةٍ ٢ میں سَو مرتبہ اِستغفار کرتا ہوں کہیں ستّر دفعہ سے زیادہ آیا اَور کہیں سَو دفعہ آیا یہ جملہ میں متفرق اَوقات میںکہتا رہتا ہوں۔ ''غَیْنْ'' کی وضاحت : وہ جو قلب ِ اَطہر پر یہ بادل جیسی کیفیت غُبار جیسی کیفیت آتی تھی اُس کی وجہ یہ ہے کہ رسولِ کریم علیہ الصلٰوة والتسلیم کا ملنا جُلنا مختلف قسم کے لوگوں سے تھا کافروں سے بھی تھا منافقین سے بھی تھا تو اُس کا اَثر قلب ِ مبارک محسوس کرتا بلکہ بات یہ ہے کہ رسول اللہ ۖ کا جو مقام تھا اللہ کی طرف توجہ قائم رکھنے کا وہ آپ کے ساتھ خاص تھا انبیائے کرام کے ساتھ خاص تھا اَور وہ اِتنا بڑا ہے کہ اُس سے وہ کبھی سَیر نہ ہوتے تھے لیکن ساتھ ہی ساتھ اُن کو دُوسرا کام سپُرد کیا گیا ہے وہ یہ ہے کہ اللہ کے بندوں کی اِصلاح فرمائیں اَور اِصلاح اَعمال کی بھی عقائد کی بھی وہ قرآنِ پاک میں آئی یُزَکِّیْھِمْ نبی کریم علیہ الصلٰوة والتسلیم مبعوث ہوئے تزکیہ فرمانے کے لیے کہ صاف کریں پاکیزہ بنائیں تو وہ پاکیزگی اَعمال کے اعتبار سے بھی ہے عقائد کے اعتبار سے بھی ہے ظاہر بھی باطن بھی۔ ظاہر میں کپڑے تک شامل ہیں اُس میں بدن بھی شامل ہے اُس میں تمام چیزوں کی طہارت اَور پاکیزگی جنابِ رسولِ کریم علیہ الصلٰوة والتسلیم نے ہمیں سکھائی اَور آپ سے پہلے اَور انبیائے کرام نے بھی سکھائی۔یہاں پر یہ آتا ہے کہ میرے دل پر وہ پردہ سا ''غَیْنْ'' سا آجاتا ہے جیسے بادل ہو غُبار ہو یہ کیفیت ہوتی تھی تو اِس کیفیت کی وجہ یہی ہے کہ رسول اللہ ۖ کے قلب ِ مبارک پر جو آنے والے اَور ملنے والے ہوتے تھے اُن کا اَثر جب پڑتا تھا تو اُس کا علاج آپ نے اِستغفار فرمایا ۔اِستغفار میں خدا کی یاد بھی ١ مشکٰوة شریف ص ٢٠٥ ٢ مشکٰوة شریف ص ٢٠٣