ماہنامہ انوار مدینہ لاہور جنوری 2009 |
اكستان |
|
حرف آغاز نحمدہ ونصلی علٰی رسولہ الکریم امابعد ! عالمی سطح پر ظلم اَور ناانصافی میں دِن بدن اِضافہ نے ہر اِنسان کی زندگی کو بے چینی سے دوچار کردیا ہے اَور اِس ساری خراب صورت ِحال کا تمام ترذمّہ دار عالم ِکفر ہے جس کی قیادت صیہونیت اَور صلیب کے نام پر موجودہ دَور میں امریکہ اَور اسرائیل کے ہاتھ میں ہے پاکستان کے حوالہ سے اِس میںایک تیسری پارٹی بھارت بھی شریک ہے۔ کفرکی قیادت میں ہونے والی نااِنصافیاں دُنیا بھر میں صرف مسلمانوں کے خلاف کی جارہی ہیں اور نہ صرف سیاسی یا تجارتی سطح پر بلکہ بھرپور فوجی کارروائیاں جن میں فضائی اور بحری افواج بھی مکمل طوپر شریک ہوتی ہیں میزائل بھی داغے جاتے ہیں جاسوسی طیارے بھی استعمال ہوتے ہیں حتی کہ محدودطاقت کے ایٹم بم بھی عراق وافغانستان میں استعمال کیے گئے اور کیمیائی ہتھیار بھی، اِس سارے فتنہ کا قائد شوخ چشم امریکہ ہے جس کے دیدوں سے حیا عنقاہوچکی ہے اِس کے کروسیڈی بادشاہ جارج ڈبلیو بش نے گزشتہ سال کے آخر ی ماہ کی چودہ تاریخ کو عراق پر اپنے جبری قبضہ کے دوران اپنے صدارتی اقتدار کا اختتامی دورہ کیا تو اُس موقع پر صحافیوں کی پُر ہجوم پریس کانفرنس میں امریکی صدر کو اُس وقت ذلّت سے دوچار ہونا پڑا جب ایک نہتے عراقی صحافی نے اپناجوتا اُتار کر بندرنما صدر کے منہ پر دے مارا ،بوڑھے بندر کی طرح صدر نے بھی پُھرتی دِکھاتے ہوئے سرنیچے کوجھکایا اور ٹھیک نشانے پر آنے والا جوتا اُس کے سر کے با لکل قریب سے گزرگیا،صحافی نے نہاہت حاضر دماغی سے کام لیتے ہوئے دُوسرا جوتا بھی رسید کیا مگر وہ ڈارون کی اولاد کولگنے کے بجائے اُس