ماہنامہ انوار مدینہ لاہور مئی 2006 |
اكستان |
 |
پیر قمر الدین صاحب توسنا ہے کہ ایک بے علم پیر ہیں، انشاء اللہ آپ کے سامنے بدعتی اگر عالم بھی ہوں تب بھی بات نہ کرسکیں گے، آپ حق پر ثابت قدم رہیں اور کسی کی پرواہ نہ کریں، اللہ تعالیٰ رزاق ہے، رزق اِس ملازمت پر موقوف نہیں ہے جس پر آپ اِس وقت ہیں۔ حضرت مولانا مدظلہ' علیل ہیں مگر تدریس کے فرائض انجام دے رہے ہیں۔ محمد اعزاز علی غفرلہ' از دیوبند ٤ رجب ١٣٦٩ھ ( ٨ ) برادر عزیز زیدت معالیکم پس از سلام مسنون! آپ کا خط ابھی ملا،آپ کے حالات معلام ہوئے، زمانے کا حال یہی ہے، مخالف موافق ہر جگہ ہوتے ہیںاور دیوبندی جماعت کی تو خصوصیت یہ ہے کہ ہر جگہ اُس کے کرم فرما مل جاتے ہیں لیکن یہ چیزیں خیال کرنے کی نہیں ہیں وَاللّٰہُ مَعَکُمْ أَیْنَ مَا کُنْتُمْ ۔ حضرت علامہ عثمانی کی شرکت جمعیت علمائے اسلام کے لیے مفید نہ ہوئی بلکہ وہ خود اِس میں آکر زیادہ پریشان ہوگئے، کل کی بات ہے کہ جمعیت علمائے ہند کے اجلاس بمقام دہلی میں اُنہوں نے تقریر کی تھی جو لیگ کے بالکل خلاف تھی، بجنور والوں نے اُسی کو دوبارہ چھاپ کر شائع کردیا اور حضرت علامہ عثمانی سے اُس کا جواب دُشوار ہوگیا ہے۔ اگر اہل بجنور میں آپ کے کوئی دوست ہوں تو آپ اُن سے وہ تقریر طلب کرلیں۔ آپ کے اسباق کی فہرست سنی، دل خوش ہوا، اللہ تعالیٰ برکت عطا کرے اور آپ کے فیوض سے لوگوں کو مستفیض کرے ، آمین۔ برخود دار قاری حافظ اعزاز احمد سلمہ' سلام عرض کرتے ہیں۔ محمد اعزاز علی غفرلہ' ا ز دیوبند ١٦ ربیع الاول ١٣٧٠ھ