ماہنامہ انوار مدینہ لاہور مئی 2006 |
اكستان |
|
شیخ الاسلام حضرت اقدس مولانا سےّد حسین احمد مدنی رحمة اللہ علیہ کے جانشین، ولی اللّٰہی سلسلہ کے امین، مدنی علوم ومعارف کے وارث ،علم و معرفت کے بحر مواج ،مسند ولایت کے صدر نشین ،سیادت وقیادت کے آفتاب ،امیر الہند ،فدائے ملت حضرت مولانا سےّد اسعد مدنی کی شخصیت وخدمات نظر قارئین کی جارہی ہیں۔ (ادارہ) حضرت مولانا سےّد اسعد صاحب مدنی کی شخصیت وخدمات ( حضرت مولانا مفتی سےّد محمد مظہر صاحب اسعدی ) حضرت امیر الہند بحیثیت شیخ ِطریقت : آپ کے بارے میں پوری دُنیا بالخصوص پاکستان کے عوام بلکہ بعض علماء بھی یہ سمجھتے ہیں کہ آپ عالَمِ اسلام کے صرف سیاسی رہنما تھے۔ حضرت شیخ الاسلام کی سیاسی، سماجی اور معاشرتی خدمات کا تسلسل تھے۔ یہ تأثر صرف اُنہیں لوگوں تک ہے جنہوں نے آپ کو قریب کی نگاہ سے نہیں دیکھا یا آپ کی رفاقت میں کوئی ماہ رمضان المبارک نہیں گزارا۔ اللہ کے فضل و کرم سے جیسے آپ حضرت شیخ الاسلام کی زندگی میں دارالعلوم دیوبند کے کامیاب ترین اُستاد تھے اِسی طرح آپ نے اپنے والد گرامی حضرت شیخ الاسلام کی رفاقت میں پچیس سال تک ماہ رمضان گزارے اور اُن سے منازل سلوک طے کیں۔ اپنے تمام اسباق ذکر، اَوراد و وظائف مکمل کیے۔ یہی وجہ ہے کہ آپ کو اپنے والد گرامی شیخ العرب والعجم رحمة اللہ علیہ کی رِحلت کے بعد اُن کے خلفاء نے باتفاق رائے عظیم منصب جانشینی شیخ الاسلام کے لیے چنا۔ اندازِ تربیت اصلاحِ باطن : جس طرح حضرتِ اقدس کے زمانہ میں سینکڑوں لوگ ماہِ رمضان میں آپ سے اصلاحِ باطن او ر اوراد وظائف کی تکمیل کے لیے اور پورے ماہِ صیام کو اتباع سنت کے مطابق گزارنے کے لیے آتے تھے اِسی طرح