ماہنامہ انوار مدینہ لاہور مئی 2006 |
اكستان |
|
سلسلہ نمبر٢٣ ''الحامد ٹرسٹ''نزد جامعہ مدنیہ جدید رائیونڈ روڈ لاہورکی جانب سے شیخ المشائخ محدثِ کبیر حضرت اقدس مولانا سیّد حامد میاں صاحب رحمة اللہ علیہ کے بعض اہم خطوط اور مضامین کو سلسلہ وار شائع کرنے کا اہتمام کیا گیا ہے جو تاحال طبع نہیں ہوسکے جبکہ ان کی نوع بنوع خصوصیات اس بات کی متقاضی ہیں کہ افادۂ عام کی خاطر اِن کو شائع کردیا جائے۔ اسی سلسلہ میں بعض وہ مضامین بھی شائع کیے جائیں گے جو بعض جرا ئد و اخبارات میں مختلف مواقع پر شائع ہو چکے ہیں تاکہ ایک ہی لڑی میں تمام مضامین مرتب و یکجا محفوظ ہو جائیں۔(ادارہ) یزید کے متعلق سوالات اور اُن کے جوابات بِسْمِ اللّٰہِ الرَّحْمٰنِ الرَّحِیْمِ کیا فرماتے ہیں علمائے دین و مفتیانِ شرعِ متین کہ ایک شخص مندرجہ ذیل حقائق پر مبنی نظریات رکھتا ہے سوال نمبر ١ : آنحضرت ۖ کا ارشاد گرامی ہے کہ مدینة الروم قسطنطنیہ پر اول جہاد کرنے والے لشکر کے لیے مغفرت ہے اور امیر یزید مرحوم اُس لشکر کے کمانڈر تھے۔ لہٰذا اِس مغفرت میں وہ بھی شریک ہیں : (الف) قَالَ النَّبِیُّ صَلَّی اللّٰہُ عَلَیْہِ وَسَلَّمَ اَوَّلُ جَیْشٍ مِّنْ اُمَّتِیْ یَغْزُوْنَ مَدِیْنَةَ قَیْصَرَ مَغْفُوْرلَّھُمْ ۔ (بخاری شریف ص٤١٠ ج١) (ب) قَالَ مَحْمُوْدُ بْنُ الرَّبِیْعِ فَحَدَّثْتُھَاقَوْمًا فِیْھِمْ اَبُوْاَیُّوْبَ الْاَنْصَارِیُّ صَاحِبُ رَسُوْلِ اللّٰہِ صَلَّی اللّٰہُ عَلَیْہِ وَسَلَّمَ فِیْ غَزْوَةِ الَّتِیْ تُوُفِّیَ فِیْھَا وَیَزِیْدُبْنُ مُعَاوِیَةَ عَلَیْھِمْ بِاَرْضِ الرُّوْمِ۔ (بخاری شریف ص١٥٨ ج١) بِسْمِ اللّٰہِ الرَّحْمٰنِ الرَّحِیْم سہل الحصول حوالوں سے جوابات عرض ہیں : جواب : مولانا لعل شاہ صاحب بخاری نے اپنی کتاب میں محمود احمد عباسی کی لکھی ہوئی تقویم اور تحقیق کا