ماہنامہ انوار مدینہ لاہور مئی 2006 |
اكستان |
 |
( ١ )برادر عزیززیدت معالیکم! پس از سلام مسنون! آپ کا خط آیا، آپ کی اِس سعادت مندی کا شاکر ہوں کہ آپ نے اس قدر دُور و دراز مسافت پر پہنچ کر بھی اعزاز علی کو فراموش نہیں فرمایا، اللہ تعالیٰ آپ کو حیات ِ طویلہ عطافرماکر اپنی مرضیات نیز اشاعت علوم ِ دینیہ کی توفیق بیش از بیش عطا فرمائے۔ آمین۔ آپ کے فرائض ملازمت آپ کے خط سے معلوم ہوئے، اگر اِن فرائض کو آپ خوش اسلوبی کے ساتھ ادا کریں تو اِس میں بھی اسلام کی خدمت ہے، اگرچہ رسمی طور پر تدریس کی خدمت نہ سہی، تاہم وہاں رہ کر بھی مسلمانوں کو مسلمانوں کی معاشرت بتاسکتے ہیں، آپ نے تحریر فرمایا کہ یہاں اواخر جولائی سے تعطیل ہوتی ہے، جولائی کا ایک ہفتہ تو ختم ہی ہوچکا ہے، چند دن ماہِ جولائی کے ختم ہونے میں باقی رہ گئے ہیں، اُمید ہے کہ آپ حسب ِ وعدہ دیوبند تشریف لائیں گے۔ دار العلوم دیوبند کا تقریری امتحان کل سے شروع ہوگیا ہے اور شعبان سے تحریری امتحان شروع ہوگا۔ برخود دار قاری حافظ احمدمیاں سلمہ' کو سلام عرض کرتا ہوں۔ دعا گو محمد اعزاز علی غفرلہ' ازدیوبند٢٧ رجب ١٣٦٤ھ یکشنبہ ( ٢ )عزیز مکرم زیدت معالیکم! پس از سلام مسنون! آپ کا خط آیا، حالات معلوم ہوکر اطمینان ہوا، اس سے خوشی ہوئی کہ اِس سال آپ تعلیمی مشاغل میں زیادہ مصروف ہونے کی وجہ سے عدیم الفرصت ہیں۔ میرے نزدیک علم کی مقبولیت کی دلیل ہے کہ اللہ تعالیٰ اُس کو اپنے کام میں مصروف کرلے۔ آمین ۔ آپ کے متعلقہ اسباق کا حال معلوم ہوکر زیادہ خوشی ہوئی، یہ اسباق بہت زیادہ قابل ِ توجہ ہیں، پڑھانے