Deobandi Books

کی صورت میں نمودار ہوئے اور کبھی جنگ جمل و صفین کی ہلاکت سامانیوں کی شکل میں ظاہر ہوئے حتی کہ سیدنا علی المرتضیٰ رضی اللہ عنہ کی شہادت اور سیدنا حسن رضی اللہ عنہ کی توہین و تحقیر سے بھی انہیں کے نامۂ اعمال سیاہ اور داغدار ہیں۔ 
	 جواب  :  یہ غلط ہے نہ تو حضرت حسین  نے خروج کیا ورنہ وہ اپنے ساتھ لشکر لے کر جاتے نہ کہ اہل خانہ کو۔ اور یہ بھی درست نہیں کہ وہ سبائیوں کے بلانے پر نکل کھڑے ہوئے تھے اُن کو بلانے والوں میں حضرت سلیمان بن صُرد   بھی تھے جو اصحاب بیعت رضوان میں سے تھے۔ ابن تیمیہ لکھتے ہیں کہ اہل بیعت رضوان سب کے سب جنتی ہیں وَھٰؤُلَآئِ لَایَدْخُلُ النَّارَ مِنْھُمْ اَحَد کَمَا ثَبَتَ ذٰلِکَ فِی الْحَدِیْثِ الصَّحِیْحِ (منہاج السنة      ص ٢٦٠ ج٢)  ( نیزمنسلک مضمون جو'' قُتِلَ الْحُسَیْنُ بِسَیْفِ جَدِّہِ'' کے مقولہ کے جواب میں ہے دیکھیں) لیکن ہوا یہ کہ حضرت حسین کے پہنچنے سے پہلے یزید کی طرف سے عبید اللہ بن زیاد پہنچ گیا اور مارشل لاء کی سی کیفیت قائم کردی ،اس لیے کوفہ والے کچھ نہ کرسکے۔ یزید کی برائی یہ ہے کہ اُس نے شہادت حسین کے بعد بھی ابن ِزیاد کو کوئی سزا نہ دی۔ گویا وہ اِس ظلم پر راضی رہا۔ شہادت حسین میں اِس کی شرکت ہے تو اس طرح کی ہے۔
(ب)  جب سیّدنا حسین رضی اللہ عنہ کو تقریباً چار ماہ کی مسلسل کوشش، خطوط اور وفود کی بھرمار سے یہ باور کرادیا کہ امیر یزید اُمت کے متفقہ خلیفہ نہیں بلکہ ملت کی معتدبہ جماعت اِن کی خلافت سے مطمئن نہیں تو اب سیّدنا حسین نے کوفہ کا اِرادہ فرمایا۔ سیدنا عبد اللہ بن عباس، عبد اللہ بن عمر، عبد اللہ بن جعفر، جابر بن عبد اللہ، ابو واقد اللیثی اور محمد بن الحنفیہ وغیرہم حضرات نے حضرت حسین رضی اللہ عنہ کو اس اِرادے سے منع فرمایا کہ وہ ایسا نہ کریں اور اپنے والد اور بھائی کے ساتھ دھوکہ بازی کرنے والے کوفیوں کی بات مان کر اُمت میں افتراق و انتشار کی راہ نہ کھولیں اور اپنے آپ کو اِس ہلاکت انگیز اقدام سے روکیں۔ لیکن آپ نے کسی کی نہ مانی اور کوفیوں کے خطوط اور وفود اور اُن کی طلب پر کوفہ روانہ ہوگئے۔جب آپ کوفہ کے قریب پہنچے تو معلوم ہوا کہ اِن مدعیانِ وفاداری نے وہی کچھ کیا جو مذکورہ حضرات نے ماضی کی تاریخ کے پیش نظر آپ کو روکتے ہوئے کیا تھا۔جب آپ 
   یہ خط کشیدہ تقریباً سب باتیں مضمون نگار نے اپنی طرف سے بنائی ہیں۔ ان کا کہیں ثبوت نہیں اس لیے اُس نے حوالہ نہیں دیا۔