اولاد کے مابین مساوات وعدل اور صحیح تعلیم وتربیت، والدین کے حقوق کی ادائیگی اور صلہ رحمی کے اصول بہت زیادہ اہم اور نمایاں ہیں ۔
افراد وخاندان کے ساتھ صالح معاشرہ بھی اسلام کا ہدف ہے، جس کے لئے عقیدہ کی پختگی، جذبۂ اخوت کا استحکام، اعمال صالحہ کا التزام واحترام، دعوت حق، امربالمعروف، نہی عن المنکر، مساوات وعدل، باہم محبت وتعاون، ایذاء سے اجتناب کلیدی شرائط ہیں جو بالکل نمایاں ہیں ۔
مذکورہ بالا تفصیل سے سمجھا جاسکتا ہے کہ اسلام ہر لحاظ سے دین مبین ہے، دشمنان اسلام کو اتنا واضح دین اگر نظرنہ آئے اور ان کی سمجھ میں نہ آئے تو اس میں قصور ان کی نگاہ وقلب وعقل کا ہے کہ وہ نابینا ہیں ، قصور اسلام کا نہیں ، اس کا نظامِ عدل آفتاب کی طرح ضو فشاں ہے، یہ الگ بات ہے کہ کور عقل وکور قلب افراد اس روشنی سے فائدہ اٹھانے سے محروم اوربے توفیقی کے شکار ہیں ۔