تر تماشا پیش ہو تا ہے۔
بیت المقدس کو قبلہ بنا کر عرب کے باشندے عرب سے الگ کیے گئے، لیکن اب عرب ہی نہیں بلکہ عرب اور غیر عرب خدا کی ساری زمین سے، یہ عرب اور غیر عرب کا قصہ ہی ہمیشہ کے لیے ختم کر دیا جاتا ہے۔ سترہ مہینہ کے بعد قبلہ بدلتا ہے اور بجائے سلیمان کی ہیکل کے سلیمان و دائود، اسحاق و اسماعیل کے باپ ابراہیم کے بنائے ہوئے کعبہ کو قبلہ ٹھہرا کر حکم دیا جاتا ہے:
{وَ مِنْ حَیْثُ خَرَجْتَ فَوَلِّ وَجْہَکَ شَطْرَ الْمَسْجِدِ الْحَرَامِط وَ حَیْثُ مَا کُنْتُمْ فَوَلُّوْا وُجُوْہَکُمْ شَطْرَہٗلا }
اور جہاں سے تم نکلو اسی جگہ سے تم اپنا چہرہ مسجدحرام کی طرف موڑ دو، اور جہاں کہیں اے مسلمانو!تم ہو اپنے چہروں کو اس کی طرف موڑدو۔
کیا مقصد ہے اس کا ؟ یہی کہ جو کعبہ سے باہر کیے گئے ہیں وہ بھی کعبہ کے اندر ہیں اور جو کعبہ سے باہر تھے اپنے کو کعبہ کے اندر سمجھیں۔ پہلے غیر عرب کو عرب کا قبلہ بنایا گیا اور جب یہ ہوچکا تو پھر عرب اور غیر عرب سب کو مٹاکر نہ عرب ہی رہا نہ غیر عرب رہا۔ بلکہ خدا کی جو ایک دنیا تھی وہ ایک ہی دنیا کی شکل میں واپس آگئی۔ کعبہ دنیا کی مسجد کی دیوار ٹھہرایا گیا اور بسیط زمین اسی دیوار کا صحن قرار پائی، یہی ہر مسلمان سمجھتا ہے اور اسی کے مطابق عمل کرتا ہے۔ وہ افریقہ کو بھی کعبہ میں سمجھتا ہے اور امریکہ کو بھی اسی کے صحن کا ایک حصہ قرار دیتا ہے ۔ ایشیا بھی اس کو کعبہ کی دیواروں کے نیچے نظر آتا ہے، یورپ میں بھی جب اس کو نماز کی ضرورت ہوتی ہے تو کعبہ کے آنگن میں کھڑا ہو کر وہ اپنی نماز ادا کرتا ہے۔ ایورسٹ1 اس کے صحن کا ایک ٹیلہ ہے اور بحرِ محیط اسی صحن کا ایک حوض، بحرِ قلزم اسی صحن کی ایک نالی ہے۔ ایک مسلمان اپنی زندگی کے ہر دن میں پانچ وقت اسی نظریہ کی عملی شکل میں مشق کرتا ہے اور اس کو یہی بتایا گیا ہے۔ صحیح حدیث میں ہے:
جُعِلَتْ لِي الأرْضُ مَسْجِدًا
پوری زمین میری مسجد بنائی گئی ہے ۔
مؤاخاۃ اور اس کا فائدہ
وطنیت کے اس صنمِ اکبر کو توڑنے کے ساتھ اب قومیت اور نسلیت کا بت سامنے آتا ہے۔ کس قدر سرسری طور سے لوگ گزر جاتے ہیں جب سنتے ہیں یا کہتے ہیں کہ مدینہ میں انصار اور مہاجرین کے درمیان بھائی چارہ کر لیا گیا تھا، ان میں عقدِ مؤاخاۃ قائم کیا گیا تھا، لیکن اس کا نتیجہ کیا ہوا مہاجرینِ قریش اور قریش نسل کے ساہوکار کعبہ کے کلید بردار تھے اور انصار قبیلہ اوس و خزرج کے کسان اور کاشت کار تھے۔ حالاںکہ دونوں آدمی تھے، دونوں انسان تھے، لیکن جس طرح آریائی نسل والوں نے سامی نسلوں کو اور سامی نسلوں نے تورانی نسلوں کو، یا برہمنوں نے شودروں کو، بے رنگوں نے رنگینوں کو، پھیکوں نے نمکینوں کو، آدمی کی نہیںبلکہ گھوڑوں کی اولاد، بیل کی نسل سمجھااور اسی قسم بلکہ ان سے بدتر سلوک انہوں
