٤ بخلاف التیمم لان التراب غیر مطھر الا فی حال ارادة الصلوٰة ٥ او ھو ینبیء عن القصد۔
(١٥) و یستوعب رأسہ بالمسح) ١ وھو السنة
جائے گا ،اسلئے کہ مطھریعنی پانی کے استعمال کرنے سے طھارت واقع ہو گئی ۔
تشریح : ہم بھی یہی کہتے ہیں کہ وضوء میں جب تک نیت نہیں کرے گا تو ثواب نہیں ملے گا البتہ چونکہ پانی استعمال کیا ہے جسکو آیت میں پاک کرنے والی چیز کہا ہے اسلئے اس سے پاکی حاصل ہو جائے گی اور نماز شروع کرنے کے لئے کافی ہو جائے گی ۔اسی کو مصنف نے کہا ہے لکنہ یقع مفتاحا للصلوة ۔الخ۔
ترجمہ : ٤ بخلاف تیمم کے کیونکہ مٹی پاک کرنے والی نہیں ہے مگر نماز کی نیت کرنے کی حالت میں ۔
تشریح : امام شافعی نے استدلال فرمایا تھا کہ تیمم میں نیت کی ضرورت ہے اسلئے وضوء میں بھی نیت کی ضرورت ہونی چاہئے۔ یہاں سے اسکا جواب دے رہے ہیں ۔کہ تیمم میں مٹی استعمال ہوتی ہے جو عام حالات میں پاک کر نے والی نہیں ہے بلکہ میلا کرنے والی ہے ،ہاں نماز کا ارادہ کرے اور تیمم کرنے کی نیت کرے تب ہی وہ پاک کرے گی اسلئے وہاں نیت کرنا ضروری ہے ۔اسکے بر خلاف پانی خود پاک کرنے والا ہے ۔جیسا کہ آیت میں گزرا اسلئے یہاں نیت کرنے کی ضرورت نہیں ہے ۔
ترجمہ : ٥ یا اسلئے کہ تیمم کا ترجمہ ہی ہے ارادہ کرنا ۔اسلئے تیمم میں نیت کرنا ضروری ہوگی ۔اور پانی کا ترجمہ ارادہ کرنا نہیں ہے اسلئے یہاں نیت کی ضرورت نہیں پڑیگی ۔
لغت : النیة : دل سے ارادہ کرنے کا نام نیت ہے اور زبان سے بول لے تو بہتر ہے۔تیمم : ام سے مشتق ہے ،ارادہ کرنا ۔مطھر : پاک کرنے والی چیز ،یہاں پانی مراد ہے ۔ینبیٔ : نبأ سے مشتق ہے خبر دیتا ہے ۔
ترجمہ : (١٥) پورے سر کا مسح کرنا۔
ترجمہ : ١ وہ سنت ہے ۔
وجہ : (١)حدیث میں ہے عن عبد اللہ بن زید عن وضوء النبی ۖ...ثم ادخل یدہ فی الاناء فمسح برأسہ فاقبل بیدہ وادبر بھا، ثم ادخل یدہ فغسل رجلیہ ۔حدثنا موسیٰ قال : حدثنا وھیب قال : مسح رأسہ مرة (بخاری شریف ، باب مسح الرأس مرة ص ٣٢ نمبر ١٩٢مسلم شریف ،باب آخر فی صفة الوضوء ،ص١٢٣ نمبر ٢٣٥ ٥٥٥) (٢) ابو داؤد، باب صفت وضوء النبی ۖ ص١٦ نمبر١١٥)فیہ تصریح ۔ومسح برأسہ واحدة)حدیث سے معلوم ہوا کہ آپۖ نے ایک مرتبہ سر پر مسح فرمایا(٣) اگر نئے نئے پانی سے تین مرتبہ مسح کریں تو وہ دھونا ہو جائے گا مسح باقی نہیں رہے گا۔ دھونے کے اعضاء میں تین مرتبہ دھوئیں تو کوئی حرج کی بات نہیں ہے۔لیکن مسح تین مرتبہ نئے نئے پانی سے کریں تو موضوع ہی بدل جائے گا۔ اس لئے ایک ہی
