غیر نادر فلا یلحق بالجنابة (٣٨٣)ولو قرأ مقدار ماتجوزبہ الصلوٰة لا یجوز بالاجماع) ١ لعدم الحاجة الی الاستخلاف۔ (٣٨٤) وان سبقہ الحدث بعد التشہد توضأ وسلم) ١ لان التسلیم واجب فلا بد من التوضی لیأتی بہ (٣٨٥) وان تعمد الحدث فی ہٰذہ الحالة اوتکلم اوعمل عملا ینافی الصلوٰہ تمت صلاتہ )
تشریح : یہ صاحبین کو جواب ہے ۔ کہ قرأت سے رکنا نادر نہیں ہے بارہا ایسا موقع پیش آتا ہے اسلئے اسکو جنابت کے ساتھ نہ ملایا جائے ، اور اس میں خلیفہ بنانا ممنوع قرار نہ دیا جائے ۔ بلکہ خلیفہ بنانا جائز ہو ۔
اصول : جو حدث بار بار ہو تے ہوں ان میں بنا ء کر نا بھی جائز ہے اور خلیفہ بنانا بھی جائز ہے ، اور جو حدث کبھی کبھار پیش آتے ہوںان میں نہ بناء کر نا جائز اور نہ خلیفہ بنانا جائز ۔
ترجمہ: ( ٣٨٣) اور اگر اتنی آیتیں پڑھ لی جن سے نماز جائز ہو جاتی ہے تو خلیفہ بنانا بالاتفاق جائز نہیں۔
ترجمہ: ١ اسلئے کہ اب خلیفہ بنانے کی ضرورت نہیں۔
تشریح : امام ابو حنیفہ کے نزدیک ایک آیت اور صاحبین کے نزدیک چھوٹی تین آیتیں ، یا بڑی ایک آیت پڑھ چکا ہے اسکے بعد امام قرأت سے رک گیا تو اب تینوںاماموں کے نزدیک خلیفہ بنانا درست نہیں ہے ، اسلئے کہ جتنی قرأت میں نماز جائز ہو تی اتنی قرأت کر چکا ہے اسلئے خلیفہ بنانے کی ضرورت نہیں ہے ، یوں بھی خلیفہ بنانا عمل کثیر ہے اسلئے بغیر ضرورت کے اسکو نہیں کر نا چاہئے ۔
ترجمہ: (٣٨٤)اور اگر حدث لاحق ہو گیا تشہد کی مقدار بیٹھنے کے بعد تو وضو کرے گا اور سلام کرے گا۔
وجہ: (١) تشہد کی مقدار بیٹھنے کے بعد خود بخود حدث ہو گیا تو تشہد کی مقدار بیٹھنا آخری فرض تھا جو پورا ہو گیا لیکن ابھی سلام کرنا جو واجب ہے وہ باقی ہے اس لئے اس کو دوبارہ وضو کرکے نماز پر بنا ء کرنا چاہئے اور سلام کرنا چاہئے۔
ترجمہ : ١ اسلئے کہ سلام واجب ہے اسلئے وضو کر نا ضروری ہے تاکہ سلام پھیر سکے ۔
تشریح : تشہد کی مقدار بیٹھنے کے بعد خود بخود حدث ہو گیا تو نماز ابھی منقطع نہیںہو ئی ہے اسلئے اس پر بناء کر سکتا ہے ، اور سلام جو واجب ہے وہ باقی ہے اسلئے وضو کر کے بناء کرے اور سلام پھیرے ۔
ترجمہ: (٣٨٥)اور اگر جان بوجھ کر حدث کیا اس حالت میں یا بات کی یا ایسا عمل کیا جو نماز کے منافی ہے تو اس کی نماز پوری ہو گئی۔
تشریح : اوپر اور اس مسئلے میںفرق یہ ہے کہ اوپر خود بخود حدث ہوا تھا اسلئے پہلی نماز پر بناء کر سکتا تھا اسلئے وضو کر کے بناء کرے گا اور سلام پھیرے گا ۔ اور اس مسئلے میں یہ ہے کہ جان کر حدث کیا ہے اسلئے نماز ٹوٹ گئی اسلئے اب بناء نہیں کر سکتا اور سلام نہیں پھیر سکتا ،
